Habari za Punde

Maadhimisho ya Wiki ya Kuwaenzi Viongozi wa Kitaifa Zanzibar

Waziri wa Nchi Ofisi ya Rais Katiba Sheria Utumishi na Utawala bora Haroun Ali Suleiman(WANNE KULIA)akijumuika na Viongozi wa Chama na Serikali pamoja na Wanafamilia katika  hafla ya kumuombea Dua aliekuwa Waziri Kiongozi Mstaafu wa Zanzibar Brig,Jenerali Ramadhan Haji Faki ikiwa ni muendelezo wa Maadhimisho ya Wiki ya kuwaenzi Viongozi wa Kitaifa Waasisi wa Mapinduzi ya Zanzibar hafla iliofanyika Kijijini kwao Mkwajuni Magombewa Wilaya ya Kaskazini A Unguja.
Wanafunzi wa Madrasa wakiwa pamoja na walimu wao wakisoma dua ya Khitma katika hafla ya kumuombea Dua aliekuwa Waziri Kiongozi Mstaafu wa Zanzibar Brig,Jenerali Ramadhan Haji Faki ikiwa ni muendelezo wa Maadhimisho ya Wiki ya kuwaenzi Viongozi wa Kitaifa Waasisi wa Mapinduzi ya Zanzibar hafla iliofanyika Kijijini kwao Mkwajuni Magombewa Wilaya ya Kaskazini A Unguja.
Baadhi ya akinamama waliohudhuria katika hafla ya kumuombea Dua aliekuwa Waziri Kiongozi Mstaafu wa Zanzibar Brig,Jenerali Ramadhan Haji Faki ikiwa ni muendelezo wa Maadhimisho ya Wiki ya kuwaenzi Viongozi wa Kitaifa Waasisi wa Mapinduzi ya Zanzibar hafla iliofanyika Kijijini kwao Mkwajuni Magombewa Wilaya ya Kaskazini A Unguja.

Waziri wa Nchi Ofisi ya Rais Katiba Sheria Utumishi na Utawala bora Haroun Ali Suleiman(WANNE KULIA)akitoa Salamu za Serikali wakati alipojumuika na Viongozi wa Chama na Serikali pamoja na Wanafamilia katika  Dua ya kumuombea aliekuwa Waziri Kiongozi Mstaafu wa Zanzibar Brig,Jenerali Ramadhan Haji Faki ikiwa ni muendelezo wa Maadhimisho ya Wiki ya kuwaenzi Viongozi wa Kitaifa Waasisi wa Mapinduzi ya Zanzibar hafla iliofanyika Kijijini kwao Mkwajuni Magombewa Wilaya ya Kaskazini A Unguja.

Na.Khairat Moh'd - Maelezo  04-04-2023

Serikali ya Mapinduzi ya Zanzibar imesema itashirikiana na familia ya waasisi wa Mapinduzi ya Zanzibar katika kuwaombea dua viongozi waliotangulia mbele ya haki.

Hayo ameyasema Waziri wa Nchi, Ofisi ya Makamo wa Pili wa Rais, Sera, Uratibu na Baraza la Wawakilishi Hamza Hassan Juma  wakati wa ziara ya kusoma dua katika kaburi la Marehemu Pili Khamis Mpera huko Kisiwandui Mjini Unguja.

Amesema ipo haja ya kuwaombea dua waasisi mbambali kwa michango yao mikubwa kwa kushirikiana na familia zao kwa lengo kukumbukwa  na vizazi vijavyo.

Aidha Mhe Hamza ameeleza kuwa Serikali itaendelea kuwaenzi na kuyaendeleza mema yote yalioyafanywa na waasisi hao na kuahidi kuyafanyia kazi kwa maendeleo ya nchi.

Nae ndugu wa familia Hassan Khamis Mpera ametoa shukrani kwa Serikali ya Mapinduzi ya Zanzibar kwa kuandaa halfa hiyo na kutambua michango ya viongozi mbalimbali katika serikali .

Dua hiyo imeongozwa na Sheikh Mohd Ramadhan Khamis kutoka Ofisi ya Kadhi Mkuu wa Zanzibar pamoja na ndugu wa familia na viongozi mbalimbali

 

Wakati huohuo Waziri wa Nchi Ofisi ya Rais Katiba, Sheria, Utumishi na Utawala Bora Mhe Haroun Ali Suleiman amesema Jenerali Mstaafu Marehemu Ramadhan Haji Faki alikuwa ni kiongozi mahiri, mchapakazi na mwenye juhudi katika utendaji wake wa kazi.

 Akizungumza katika ziara ya kusoma dua katika kaburi la aliyekuwa Waziri Kiongozi wa kwanza wa Zanzibar huko Mkwajuni Mgombewa Wilaya ya Kaskazini A Unguja.

Amesema Waziri Kiongozi huyo alikuwa akitekeleza majukumu yake kwa ufanisi na kuchukua hatua za haraka katika kuleta maendeleo ya nchi.

Nae Mkuu wa Mkoa wa Kaskazini Unguja Mhe Ayoub Mohamed Mahmoud amesema kuzuru makaburi ya Waasisi wa Kitaifa kutasaidia kuukumbusha umma namna viongozi hao walivyofanya kazi kubwa za kizalendo kwa ajili ya kuigomboa nchi katika nyanja mbalimbali.

Akizungumza kwa niaba ya familia ya Jenerali huyo Ali Ramadhan Haji ameishukuru Serikali ya Mapinduzi ya Zanzibar kwa kuandaa utaratibu huo kwa kuwakumbuka waasisi wa Mapinduzi michango yao katika kujenga taifa bora kwa vizazi vijavyo.

Aidha wamemuomba Rais wa Zanzibar na Mwenyekiti wa Baraza la Mapinduzi Mhe Dkt. Hussein Ali Mwinyi kushirikiana nao pamoja katika kisomo cha dua kwa kipindi kijacho.

Dua hiyo imeongozwa na Sheikh Sharifu Abdulrahman Muhidini wakishirikiana na viongozi mbalimbali pamoja na wanafamilia kwa kumtakia rehema kiongozi huyo.

No comments:

Post a Comment

ZanziNews Copyright © 2014

Theme images by Bim. Powered by Blogger.