Na.Takdir Suweid.WHSUM.
Mkandarasi na Mshauri elekezi wa jengo la Sanaa Mwanakwerekwe wametakiwa kuweka Miundombinu kwa Watu wenye ulemavu ili waweze kulitumia kupata huduma kwa urahisi.
Waziri wa Habari, Sanaa, Utamaduni na Michezo Zanzibar Mhe. Riziki Pembe Juma ameyasema hayo wakati alipofanya ziara ya kukaguwa maendeleo ya Ujenzi wa Jengo hilo linalojengwa katika eneo la Mwanakwerekwe Mkoa wa Mjini Magharibi Unguja.
Aidha amewaagiza kuweka Miundombinu rafiki kwa watu wenye ulemavu ikiwemo vyoo ili watu wenye ulemavu waweze kulitumia kwa ufanisi.
Amesema jengo hilo, litasaidia kuendelea kukuza vipaji vya Wasanii na kutimiza azma ya Serikali kuwapatia Vijana Ajira.
kwa upande wake Kaimu Mkurugenzi wa Idara ya Utamaduni Zanzibar Mikidadi Mwadini Ali aamesema kukamilika kwa jengo hilo, kutasaidia Vijana kujiajiri na kuajiriwa.
Nae Mkandarisi wa Ujenzi huo kutoka Kampuni ya Senic Contraction and Consaltancy limited Bw. Nawaf Massoud Zahor amesema Ujenzi wa Jengo hilo, umefikia asilimia 95 na ameahidi kukamilika kwa muda uliopangwa.
Jengo la Sanaa Mwanakwerekwe, linaratajia kutoa mafunzo ya Fani mbalimbali ikiwemo Batiki, Ushoni, Uchongaji, Uchoraji.
Imetolewa na Kitengo cha Habari,
WHSUM.
Tags:
HABARI