Saturday, March 5, 2016

Kikosi cha Timu ya Yanga Afrika Kikiendelea na Mazoezi yake Katika Uwanja wa Gombani Pemba Kujiandaa na Mchezo wake wa Ligi Kuu ya Tanzania Dhidi ya Timu ya Azam.

Na: Abdi Suleiman, PEMBA.


Katika hali isiyo ya kawaida wachezaji wanne wa 

timu ya Yanga, wameshindwa kufanya mazoezi na 

wenzao kwa sababu mbali mbali.

Yanga ambayo ipo Pemba kwa ajili ya maandalizi ya 

mchezo wao na Azam FC wa ligi kuu ya 

sokaTanzania bara, utapigwa katika uwanja wa taifa 

wikiendi hii.
Wachezaji hao ambao wameshindwa kuungana na 

wenzao ni Saimon Msuva, Salum Telela, Nadir 

Haroub Kanavaro na Amis Tambwe ambaye 

hakuonekana kabisa kiwanjani hapo.

Saimon Msuva na Salum Telela waliweza kuungana 

na wenzao katika kuomba dua, badala yake wakakaa 

pembeni na kuwaachia wenzao kuendelea na 

program zao, huku kocha mkuu Hans Van Plujin 

akiwataka kukimbia uwanjani humo.
Saimon Msuva alilazimika kukaa chini baada ya 

kushindwa kuendelea na mazoezi mepesi ya 

kukimbia na kumwacha Telela akimaliza raundi 

zisizopungua 15.

Kufuatia hali ya majeruhi kuanza kuindama Yanga, 

imemfanya kocha wa timu hiyo kuwa makini katika 

mazoezi yanayoendelea katika uwanja wa Gombani.

Wakati huo huo timu hiyo imelazimika kubadilisha 

ratiba ya mazoezi iliyokuwa ikiifuata kila siku tokea 

kuwasili kisiwani Pemba, ambapo leo timu hiyo 

imefanya mazoezi yake asubuhi majira ya saa nne 

kamili kijuwa kikali kikiwaka.

Yanga imeonekana kuukamia vikali sana mchezo huo 

dhidi ya Azam, kwani inataka kujihakikishia 

inawakimbia kwa masafa marefu wapinzani wao, 

huku kesho baada ya mazoezi inatarajiwa kuondoka 

kisiwani Pemba kurejea Tanzania bara.

No comments:
Write Maoni