Rais Kikwete awasili Afrika Kusini

Rais Jakaya Mrisho Kikwete akilakiwa katika uwanja wa ndege wa Waterkloof Airforce Base ulioko Kusini mwa jiji la Pretoria alikowasili usiku wa kuamkia leo tayari kuhudhuria mazishi ya Rais Mstaafu wa Afrika Kusini Mzee Nelson R. Mandela.

PICHA NA IKULU

Rais wa Jamhuri ya Muungano wa Tanzania, Mheshimiwa Jakaya Mrisho Kikwete amewasili katika mji mkuu wa Afrika Kusini wa Pretoria usiku wa leo, Jumatatu, Desemba 9, 2013, kuhudhuria Ibada Kuu ya Kitaifa (Memorial Service) ya msiba wa Rais Mstaafu wa Afrika Kusini Mzee  Nelson R. Mandela kwenye Uwanja wa Michezo wa FNB mjini Johannesburg.

Rais Kikwete anajiunga na mamia ya viongozi wa nchi mbali mbali duniani kuomboleza kifo cha mmoja wa viongozi mashuhuri zaidi duniani katika karne za 20 na 21.

Rais Kikwete ameambatana na Makamu Mwenyekiti wa Pili wa Zanzibar, Balozi Seif Ali Idd na mkewe Mama Asha; Mama Salma Kikwete na Ndugu Abdulahramani Kinana, Katibu wa Mkuu wa CCM.

Makamu wa Pili wa Rais wa Zanzibar Balozi Seif Ali, Atia saini Kitabu cha Maombolezi ya Mzee Mandela

 Makamu wa Pili wa Rais wa Zanzibar Balozi Seif akitia saini kitabu cha maombolezo ya Kifo cha Mpigania Uhuru wa Afrika kusini Rais wa Kwanza wa Taifa hilo Mzee Nelson Mandela hapo katika Ubalozi wa Nchini Mtaa wa Masaki Jijini Dar es salaam.

 Makamu wa Pili wa Rais wa Zanzibar Balozi Seif akimpa pole Balozi wa Afrika ya Kusini Nchini Tanzania Balozi Thanduyise Chiliza kufuatia kifo cha Rais mstaafu wa Afrika Kusini Mzee Nelson Mandela kilichotokea mwishoni mwa wiki iliyopita.(Picha na Hassan Issa wa – OMPR ) 

Katibu Mkuu wa CCM Nd. Abdullrahman Kinana akimshindikiza Makamu wa Pili wa Rais wa Zanzibar Balozi Seif Ali Iddi kwenye uwanja wa ndege wa Kimataifa wa Mwalimu Julus Nyerere Jijini Dar es salaam akielekea Nchini Afrika Kusini kuhudhuria Sala Maalum ya kuuaga mwili wa Kiongozi mashuhuri Duniani Rais wa Afrika Kusini Mzee Nelson Mandela.

Makamu wa Pili wa Rais wa Zanzibar Balozi Seif akiagana na Katibu Mkuu wa CCM Nd. Abdullrahmana Kinana tayari kupanda ndege kuelekea Nchini Afrika Kusini.akifuatana na Mkewe Mama Asha Suleiman Iddi.

Na Othman Khamis Ame OMPR

Makamu wa Pili wa Rais wa Zanzibar  Balozi Seif Ali Iddi ameondoka Nchini leo jioni kuelekea Johannesburg Afrika ya Kusini kwa ajili ya kuhudhuria sala Maalum ya pamoja ya kuuaga mwili wa Kiongozi mashuhuri Duniani Rais Mstaafu wa nchi hiyo Mzee Nelson Mandela.

Sala hiyo maalum inayotarajiwa kufanyika kesho kwenye uwanja maarufu wa NFP nchini Afrika Kusini inatarajiwa kuhudhuria na Viongozi  kutoka zaidi ya nchi sabini Ulimwenguni.

Kwenye uwanja wa ndege wa Kimataifa wa Mwalimu Julius Nyerere Jijini Dar es salaam Balozi Seif aliagwa na Katibu Mkuu wa Chama cha Mapinduzi Nd. Abdullrahman Kinana pamoja na baadhi ya Viongozi wa Kisiasa na Serikali zote mbili za SMT na SMZ.

Msondo, Sikinde kupambana Krismasi TCC Club Chang’ombe

Na Mwandishi Wetu

Wafalme wa muziki wa dansi nchini bendi pizani za Msondo Ngoma “Baba ya Nuziki’ na Mlimani Park Orchestra (Wana Sikinde Ngoma ya Ukae)  watapambana siku ya Krismasi katika viwanja vya TCC Club Chang’ombe.

Mpambano huo umeandaliwa na Bob Entertainment na Keen Arts na kudhaminiwa na Konyagi na Nipashe.

Mratibu wa mchuano huo Joseph Kapinga amesema pambano hilo litakuwa la kusherekea sikukuu ya Krismasi na kufunga mwaka 2013.

Kapinga alisema kuwa pia pambano hilo litaamua ni bendi gani bora ya mwaka huu.

Mratibu huyo alisema kila bendi itapiga kwenye jukwaa lake ili kuondoa malamiko ya kuhujumiwa. Kila bendi itapiga muziki jukwaani kwa muda wa saa moja kabla ya nyingine kupanda.

Maadhimisho ya Miaka 52 ya Uhuru wa Tanganyika

Rais wa Jamuhuri ya Muungano wa Tanzania Dkt. Jakaya Mrisho Kikwete, akiwapungia mkono wananchi alipowasili katika viwanja vya Taifa kuhudhuria miaka 52 ya Uhuru wa Tanzania yaliofanyika katika uwanja huo leo Mjini Dar-es-Salaam.

Rais wa Jamuhuri ya Muungano wa Tanzania Dkt. Jakaya Mrisho Kikwete akisimama wakati ukipingwa wimbo wa Taifa alipowasili katika viwanja vya sherehe ya Uhuru leo asubuhi.

Rais wa Jamuhuri ya Muungano wa Tanzania Dkt. Jakaya Mrisho Kikwete akikagua bwaride la Kikosi cha Jeshi la  Wanamaji.

Rais Kikwete akikagua Kikosi cha Jeshi la Anga, wakati wa maadhimisho ya miaka 52 ya Uhuru wa Tanzania. 

Viongozi wa Jukwaa Kuu wakisimama wakati ukipingwa wimbo wa Taifa, katika sherehe za miaka 52 ya Uhuru wa Tanzania kutoka kushoto Jaji Mkuu wa Zanzibar,Mhe. Othman Makungu, Makamu wa Rais waJamuhuri ya Muungano wa Tanzania Dkt. Mohammed Gharib Bilal, Rais Mstaaf wa Zanzibar Awamu ya Sita Dkt. Amani Abeid Karume na Mke wa Rais wa Zanzibar Mama Mwanamwema Shein, wakihudhuria sherehe hizo katika uwanja wa Taifa Mjini Dar-es-Salaam.

Zanzibar Research and Innovation Day underway

                           PRESS RELEASE

Zanzibar Research and Innovation Day underway

The State University of Zanzibar (SUZA), The Second Vice President’s Office of the Zanzibar
Revolutionary Government, Tanzania Commission for Science and Technology (COSTECH) and
Zanzibar College of Health Sciences (ZCHS) jointly organize the Research and Innovation Day to
be held on Thursday 19th December, 2013 at Zanzibar Beach Resort from 8.30 a.m. being a
commemoration part of the golden jubilee (50 years) to celebrate the Revolution of Zanzibar.

His Excellency Dr. Ali Mohamed Shein, the President of Zanzibar and Chairman of the
Revolutionary Council will officiate the occasion. The event will comprise of a high level dialogue
on one hand and on the other hand there will be research and innovation exhibition.

The main objective of holding the Research and Innovation Day is to showcase and promote
research and innovation activities in the country. Specifi

Wananchi wakijaribu kumuokoa Dereva huyu baada ya kuangukiwa na Mti Jangombe.

Wananchi wakiwa katika harakati za kumuokoa dereva wa gari hili ambololimeagukiwa na mti katika eneo la Skuli ya Jangombe wakati akipita katika barabara hiyo. Wakati mvua ikinyesha na kusababisha ajali hiyo.

 Kutokana na juhudi za wananchi na Kikosi cha Askari wa Uokozi cha Faya walifanikiwa kumuokoa dereva huyu aliyejulikana kwa jina la Ali Abdulrahaman Juma (Chatne)alikuwa akiendesha gari yenye usajili wa namba  Z 249 AK.   

Askari wa Kikosi cha Uokozi Zanzibar Faya wakisaidia na Wananchi kumuokoa Ali Abdulraham, baada ya kuangukiwa na mti katika maeneo ya barabara ya skuli Jungombe akiwa katika safari zake

Wananchi wakimtoa dereva katika gari hiyo kwa kumkimbiza hospitali ya mnazi mmoja kwa matibabu zaidi, amepata ajaraha kwa kuangukiwa na mti huo. 

Magazetini leo Tzgo

MAKAMU WA RAIS DKT. BILAL AHITIMISHA MBIO ZA UHURU (UHURU MARATHON) KWENYE VIWANJA VYA LEADERS CLUB, KINONDONI, DAR.

 Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akizungumza wakati wa Tamasha la kuhitimisha Mbio za Uhuru (Uhuru Marathon) zilizomalizikia kwenye Viwanja vya Leaders Club Kinondoni, jijini Dar es Salaam.

 Waziri wa Habari, Vijana Utamaduni na Michezo, Dkt. Fenella Mukangara, akizungumza kabla ya kumkaribisha Makamu wa Rais Dkt. Bilal kuhitimisha Tamasha la mbio hizo za Uhuru Marathon, kwenye Viwanja vya Leaders Club Kinondoni, jijini Dar es Salaam.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akimvisha Medali ya Dhahabu mshindi wa kwanza Kilometa 21 wa Mbio za Uhuru (Uhuru Marathon 2013) Jaqueline Juma, ambaye ni askari wa JWTZ Arusha, wakati wa Tamasha la kuhitimisha Mbio za Uhuru Marathon 2013, zilizomalizikia Viwanja vya Leaders Club Kinondoni, jijini Dar es Salaam 

  Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akimvisha Medali ya Shaba mshindi wa tatu Kilometa 21 wa Mbio za Uhuru (Uhuru Marathon 2013) Kasirini Renchi, ambaye ni askari Magereza, wakati wa Tamasha la kuhitimisha Mbio za Uhuru Marathon 2013, zilizomalizikia Viwanja vya Leaders Club Kinondoni, jijini Dar es Salaam 

Katuni na Ujumbe Wake leo

Mahafali ya Skuli ya Rainbow Kisimamanjongoo Zanzibar.

Mhe Hamad Yussuf Masauni akihutubia na kutowa nasaha zake kwa Wanafunzi na Walimu waSkuli ya Rainbow wakati wa mahafali ya skuli hiyo kwa Wanafunzu wanaomaliza masomo yao ya Awali na kujiunga na Elimu ya Msingi na Mchipuo katika skuli mbalimbali Zanzibar na kuwataka kutumia elimu na mafunzo walioyapata kupitia Skuli ya Rainbow kuyatumia na kufaidika katika elimu yao huko wanakokwenda kuendelea na masomo yao.

Mwalimu Mkuu wa Skuli ya Rainbow akisoma risala ya skuli yaombele ya mgeni rasmin Mbunge wa Kikwajuni Mhe. Hamad Yussuf Masauni katika mahafali ya Skuli yao yaliofanyika katika ukumbi wa skuli ya Haelisalasi. 

Mbunge wa Jimbo la Kikwajuni Mhe. Hamad Yussuf Masauni akimkabidhi cheti mwanafunzi wa Skuli ya Rainbow wa darasa la Maandalizi baada ya kumaliza elimu ya maandalizi na kujiunga na darasa la anza. 

Mbunge wa Jimbo la Kikwajuni Mhe. Hamad Yussuf Masauni akimkabidhi cheti mwanafunzi wa Skuli ya Rainbow wa darasa la Maandalizi baada ya kumaliza elimu ya maandalizi na kujiunga na darasa la kwanza. 

Mbunge wa Jimbo la Kikwajuni Mhe. Hamad Yussuf Masauni akimkabidhi cheti  mwanafunzi wa Skuli ya Rainbow wa darasa la Sita aliemaliza masomo yake ya msingi na kujiunga na Michipuo. 

Wanafunzi wa Skuli ya Rainbow wakicheza ngoma ya kingazija wakati wa mahafali hayo.

Kisiwa cha Kojani Pemba

        Mandhari ya Kisiwa cha Kojani Pemba kama kinavyoonekana pichani kwa mandhari yake kwa pwani.

               Wananchi wa kisiwa cha kojani wakiwa katika harakati zao za kila siku kujitafutia mahitaji yao.

TAMASHA LA KUPINGA RUSHWA "MIMI NI AFRIKA NA AFRIKA NI MIMI" LAFANA JANA JIJINI ARUSHA.

 Wasanii wa Kikundi cha ngoma wakitumbuiza wakati wa Tamasha la mimi ni Afrika,Afrika ni mimi

 Kikundi cha ngoma kikiendelea kutumbuiza

MAKAMU WA RAIS DKT. BILALA, MGENI RASMI KWENYE MAGHAFALI YA KWANZA CHUO KIKUU BAGAMOYO

Makamu wa Rais wa Jamhuri ya Muungano wa Tanzania Mhe. Dkt. Mohammed Gharib Bilal, akikata keki ya mahafali ya kwanza ya chuo kikuu cha Bagamoyo yaliyofanyika kwenye ukumbi wa Makumbusho ya Taifa jijini Dar es salaam,kulia Mkuu wa Chuo hicho Petired Bishop  Elinasa Sendoro, kushoto Makamu Mkuu wa Chuo Prof. Costa Ricky Mahalu.

 

Makamu wa Rais wa Jamhuri ya Muungano wa Tanzania Mhe. Dkt. Mohammed Gharib Bilal, akihutubia kwenye mahafali ya kwanza ya chuo kikuu cha Bagamoyo yaliyofanyika kwenye ukumbi wa Makumbusho ya Taifa jijini Dar es salaam 

Makamu wa Rais wa Jamhuri ya Muungano wa Tanzania Mhe. Dkt. Mohammed Gharib Bilal, akipokea zawadi maalum kutoka kwa Mkuu wa Chuo Kikuu cha Bagamoyo Petired Bishop  Elinasa Sendoro wakati wa mahafali ya kwanza ya Chuo hicho yaliyofanyika kwenye ukumbi wa Makumbusho ya Taifa jijini Dar es salaam

 Makamu wa Rais wa Jamhuri ya Muungano wa Tanzania Mhe. Dkt. Mohammed Gharib Bilal, akisalimiana na Mkuu wa Chuo Kikuu cha Bagamoyo Petired Bishop  Elinasa Sendoro kulia na Makamu Mkuu wa Chuo Prof. Costa Ricky Mahalu katikati, wakati wa mahafali ya kwanza ya Chuo hicho yaliyofanyika kwenye ukumbi wa Makumbusho ya Taifa jijini Dar es salaam  

 Makamu wa Rais wa Jamhuri ya Muungano wa Tanzania Mhe. Dkt. Mohammed Gharib Bilal, katikati akiwa katika picha ya pamoja na wahitimu wa ngazi mbalimbali wa Chuo Kikuu cha Bagamoyo wakati wa mahafali ya kwanza ya chuo hicho yaliyofanyika kwenye ukumbi wa Makumbusho ya Taifa jijini Dar es salaam

Magazetini leo tz bongo