NMB yakabidhi Msaada kwa Hospitali ya Makorora.

Na Amina Omari,Tanga.

NAIBU Waziri wa Ofisi ya Makamu wa Rais,Ummy Mwalimu, amesifu jitihada zinazochukuliwa na taasisi za kibenki nchini hasa katika  kuisaidia  jamii kwenye shughuli mbalimbali za maendeleo ikiwemo afya na elimu.

Alitoa kauli hiyo wakati akipokea vitanda saba vyenye  thamani ya shilingi milioni tano kutoka  benki ya NMB kwa  ajili ya kujifungulia wakina mama wajawazito katika jiji la Tanga.

Makabidhiano hayo yalifanyika kituo cha afya Makorora  jijini Tanga.

 Alisema msaada huo umekuja wakati muafaka ambao utawaondolea adha waliokuwa wakipata akina mama wakati wa kijifungua.

 Aidha aliwataka akima mama wajawazito  kuwa na utaraibu wa kuhudhuria vituo vya afya wakati wa ujauzito ili kujua maendeleo yao badala ya  kuendelea kukaa majumbani.

 Awali Meneja wa NMB tawi  la Madaraka mkoani  Tanga,Juma Mpitimbi, alisema benki hiyo imetoa  vitanda hivyo ili viweze kuhudumia vituo mbalimbali vya jiji hiulo nambayo ni sera yake  ya kuunga mkono shughuli za kijamii hususani afya.

 Kwa upande wake, Mkuu wa wilaya ya Tanga, Halima Dendego, alisema  msaada  huo umekuwa faraja kubwa kwa mama wajawazito.