Kinyikani wahimizwa kudhibiti unyanyasaji

Na Shemsia Khamis, Pemba

OFISA Elimu na Mafunzo ya Amali wilaya ya Wete, Khamis Said Hamad, amesema, vitendo vya ukatili dhidi ya wanawake na watoto, havipaswi kunyamaziwa 

Alisema hayo wakati akizungumza na wananchi wa shehia ya Kinyikani wilaya ya Wete, katika mkutano maalumu wa kuhamasisha jamii namna ya kuyaripoti vitendo hivyo uliondaliwa na wananchi hao.

Alisema kumeundwa taasisi mbali mbali zinazoendesha mapambano hayo, lakini bado jamii haina mwamko wa kutoa ushahidi pale wahusika wanapofikishwa kwenye vyombo vya sheria.

Alisema vitendo vya ukatili dhidi ya wanawake na watoto vimekithiri katika jamii hivyo kina mtu ana wajibu wa kukabiliana navyo.

Kwa upande wake, Mratibu wa wanawake na watoto shehia ya Kinyikani, Muwa Siad Khamis, alisema katika shehia yake kuna baadhi ya watu wanavifumbia macho vitendo hivyo na kushindwa kutoa ushirikiano.

Sheha wa shehia ya Kinyikani,Mussa Rashid Said,alisema licha ya wanaharakati kuwa mstari wa mbele kupinga udhalilishaji, bado jamii yenyewe haijataka kubadilika.

Akizungumza katika mkutano kama huo uliofanyika shehia ya Kiungoni,mwanaharakati kutoka Wizara ya Wanawake na Watoto, Dina Juma Makota, alisema watoto wana haki yao

Mikutano hiyo ilifanyika chini ya ufadhili wa Chama cha Waandishi wa Habari Tanzania (TAMWA).