Kutoka Baraza la Wawakilishi Leo.

Na Mwashungi Tahir  na Fatma Makame            Maelezo  20-

9-2018.

Serikali inaendelea kuendeleza jitihada za kuondoa  biashara 

haramu ya ukahaba na mapenzi ya jinsia moja kwa Mkoa wa 

Mjini Magharibi umefanikiwa kuwakamata wahusika 35 na 

hatua za kisheria zinaendelea ikiwemo kupelekwa 

Mahkamani.

Hayo ameyasema leo Naibu Waziri Ofisi ya Rais Tawala za 

Mikoa ,Serikali Za Mitaa na Idara Maalum Za SMZ Shamata 

Shaame Khamis  huko kwenye ukumbi wa Baraza la 

Wawakilishi  wakati alipokuwa akijibu suala la Mheshimiwa 

Jaku Hashim Ayoub wa Jimbo la Paje aliyetaka kujua Je ni 

watu wangapi waliokamatwa na kufikishwa Mahakamani.

Alisema Malengo ya Operesheni hiyo imefanikiwa kwa kiasi 

kukubwa ambapo imeweza kudhibitiwa kwa muda wa 

kuanza na kumaliza burudani za muziki katika kumbi za 

starehe, aidha imeweza kudhibitiwa kwa kiasi kikubwa ya 

matumizi ya shisha , udhalilishaji wa kijinsia na kusimamia 

utaratibu wauzaji na matumizi ya video kwa muda wa saa za 

kazi.

Pia Mkoa bado unaendelea na zoezi la kufanya operesheni ya 

kushtukiza katika kumbi za starehe , vilabu vya pombe na 

madanguro kwa lengo la kudhibiti kadhia hizo.

Aidha alisema zoezi linaendelea kutokana na malengo 

tulojiwekea pamoja na kupata taratibu za sheria ikiwemo 

jeshi la polisi kutoa elimu kwa jamii juu ya kutii sheria bila 

ya kushirikishwa kutoa barua kwa maeneo yanayohusika 

kwa biashara ya ukahaba ikiwemo Entebbe , Nyuki , 

Mwanyanya , Gofu na Mafunzo na kufungia madanguro 

maeneo ya Miembeni pamoja na kuimarisha doria ya 

kudhibiti madada na makaka poa.

Akiongeza suala la nyongeza Mh Jaku aliuliza kwa nini 

harakati hizi za kudhibiti mambo haya mbona hazijagusa 

watu wanaofanya vitendo vya jinsia moja.

Nae Naibu Waziri alimjibu kuwa wao wameamua kufanya 

kwa wote wanaohusika na mambo ya ukahaba bila ya 

ubaguzi wowote.

“Sisi tunawakamata wale wote wanaojihusisha na mambo ya 

ukahaba na vitendo vya udhalilishaji wa kijinsia bila 

kubagua watu wa aina gani sheria inafata mkondo wake”. 

Alisema Naibu Waziri huyo.

Nae Naibu Waziri wa Wizara ya elimu na Mafunzo ya Amali 

Mmanga Mjengo Mjawiri akilijibu suala la Mh Ali Suleiman 

Ali wa Jimbo la kijitoupele aliyetaka kujua Je Wizara ina 

mpango gani wa kulinda usalama wa wanafunzi  wa Skuli za 

binafsi ambao wanajazwa sana katika magari.

Akijibu suala hilo Naibu huyo huko kwenye ukumbi wa 

Baraza la Wawakilishi alisema wizara bado inatambua kuwa 

baadhi ya magari ya skuli binafsi yanayopakia wanafunzi 

yanajaza kupita kiasi jambo ambalo linaweza kuhatarisha 

usalama wa wanafunzi hao .

Alisema Wizara imekua ikilikemea suala hili katika mikutano 

mbali mbali iliyofanyika na Skuli za binafsi au viongozi wa 

umoja wa skuli hizo pia imewasilisha suala hili kwa kamanda 

wa Polisi wa Mkoa wa Mjini Magharibi na kutaka askari wa 

usalama wa barabarani wawachukulie hatua za kisheria weye 

magari wote watakaobainika wanakiuka taratibu za usalama 

barabarani.

Mwisho.

Imetolewa na Idara ya Habari Maelezo.