Waziri Mbarouk Afanya Uteuzi wa Wajumbe Bakiza

Na Abdi Shamnah – WHUUM

Waziri wa Habari, Utamaduni, Utalii na Michezo, Said Ali Mbarouk, amefanya uteuzi wa wajumbe 15, watakaounda Baraza la Kiswahili Zanzibar, kwa kipindi cha miaka mine ijayo ( 2012 – 2016).

 Waziri Mbarouk, amefanya uteuzi huo kwa mujibu wa kifungu cha sheria no. 4 cha Sheria ya Baraza la Kiswahili Zanzibar, Act No.4 ya 2004.

Katika Baraza hilo, kuna sura za wajumbe watatu wa zamani  walioteuliwa kuendelea na kazi hizo kutoka Baraza lililopita. Wajumbe hao ni pamoja na Said Khalfan Amour (NGO’s), Feisal Abdalla Said (ukaguzi Elimu Pemba) pamoja na Suleiman Maulid Hega kutoka BAKITA jijini Dar es Salaam.

Wajumbe wapya walioteuliwa katika Baraza hilo ni pamoja na Ameir Kitwana Karibu kutoka Mkoa wa Kusini Unguja, Mbweni Mussa Ame (Kaskazini Unguja), Sharfan Twaha Mussa (Mkoa wa Mjini Magharibi), Mwanakheir Mohammed Haji (Mjini Magharibi) na Rehema Ameir juma kutoka Mkoa wa Kusini Pemba.

Aidha wajumbe wengine (wapya) ni pamoja na Hamad Khamis Juma (Mkoa wa Kaskazini Pemba), Haji Makame Ussi (Ofisi ya rais), Mmanga Mjengo Mjawiri (SUZA), Asha Mhene Hamad (SUZA), Kijakazi Omar Makame (SUZA) na Makame Abdalla Seti (ZBC).

Hivyo wajumbe hao wataungana  na Mwenyekiti wa Baraza hilo , Amour Abdalla Khamis, ambae kwa mujibu wa sheria atamaliza muda wake mwaka ujao baada ya kuliongoza Baraza hilo kwa kipindi cha miaka mitano.