Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi Azungumza na Ujumbe wa Wawekezaji Kutoka Nchini Uturuki.

RAIS wa Zanzibar na Mwenyekiti wa Baraza la Mapinduzi Mhe.Dk. Hussein Ali Mwinyi akisalimiana na Muwekezaji kutoka Nchini Uturuki  Mkurugenzi Mtendaji wa Kampuni ya OZUAYDIN GROUP Bw. Mehmet Aydin alipowasili Ikulu Jijini Zanzibar kwa mazungumzo yaliofanyika. 

RAIS wa Zanzibar na Mwenyekiti wa Baraza la Mapinduzi Mhe.Dk. Hussein Ali Mwinyi akizungumza na Ujumbe wa Wawekezaji kutoka Nchini Uturuki walipofi Ikulu Jijini Zanzibar kwa mazungumzo  (kulia kwa Rais) Mkurugenzi Mtendaji wa OZUAYDIN GROUPO Bw. Mehmet Aydin, Bi.Esra Eristi na Bw.Alp Capa, wakifuatilia mazungumzo hayo walipofika Ikulu Zanzibar kwa mazungumzo leo. 

 

RAIS wa Zanzibar na Mwenyekiti wa Baraza la Mapinduzi Dk. Hussein Ali Mwinyi amesema Serikali inahitaji sana kuwepo shughuli za Uwekezaji ili kuharakisha kasi ya maendeleo na kukuza uchumi wa Taifa.

Dk. Mwinyi amesema hayo Ikulu Jijini Zanzibar alipokutana ujumbe wa Wawekezaji wa Kampuni ya Ozuaydin   kutoka nchini Uturuki, ulioongozwa na Mkurugenzi Mkuu Mahmet Aydin ambao umeonyesha nia ya kuwekeza katika ujenzi wa Bandari, uwekaji wa vifaa pamoja na uendeshaji wa shughuli za Bandari eneo la Malindi na Mpigaduri, sambamba na ujenzi wa Ukumbi wa Kimataifa wa mikutano.

Alisema Serikali iko tayari kushirikiana na Wawekezaji kwa kuhakikisha inaweka mazingira mazuri yanayovutia ili kufanikisha azma hiyo.

Aliwataka wawekezaji hao kuwasiliana na mamlaka zinazosimamia Uwekezaji nchini, ili kupata miongozo na taratibu za kisheria zinazohusiana na jambo hilo.

Nae, Mkurugenzi Mkuu kutoka Kampuni ya Uzuaydin, Mahmet Aydin alisema Kampuni yake imedhamiria kutumia fursa za uwekezaji  zilizopo nchini baada ya kuridhishwa na mazingira bora yaliopo.

Alisema  amefurahishwa na mapokezi mazuri ya Serikali aliyoyapata na kubainisha uwekezaji wanaolenga kuufanya utakuwa na tija na maslahi kwa wananchi wa Zanzibar  pamoja na nchi za ukanda huu.

Abdi Shamna, Ikulu Zanzibar

Postal Address: 2422 Tel.:0777476982. Fax: 024 2231822 

 E-mail: abdya062@gmail.com