Mlinzi wa hifadhi ashambulia gari lililobeba watalii

Joseph Ngilisho,Arusha

WATALII wawili raia wa Ujerumani, Sibflle Ytzerott na Hans Joachim

Zenk, wamenusurika kuuawa kwa kupigwa risasi na mlinzi wa hifadhi ya wanyama ya

Tarangile, baada ya risasi kupiga kwenye gari namba T. 838

BAE aina ya Land Cruser, walilokuwa wamepanda na kuliharibu vibaya.

Akisimulia kwa masikitiko, dereva aliyekuwa akiendesha gari hilo,

lililokuwa limewabeba watalii hao, Emmanuel Chao alisema

aliondoka  mjini Arusha na kwenda katika hifadhi hiyo Julai mosi mwaka

huu, saa 10.30 na kukata kibali cha kuingia hifadhini, ambayo kwa

kawaida inaiisha ndani ya masaa 20 tangu kukata.

Chao alisema kuwa wakati akienda katika kibanda hicho kukata kibali mlinzi alianza kumfokea huku akiikoki silaha yake na kumwamuru dereva wa gari hilo

alale chini na huku akimwelekezea silaha yake kichwani kwake, wakati

huo wazungu wakilia na kupiga kelele kwa tukio hilo.

Chao alisema baada ya tukio hilo walitokea madereva wenzake na kumwokoa,hata hivyo wakati akiondoka mlinzi hiyo alilimiminia risasi gari lake lililokuwa limepakia wageni hao ,ambapo baadae alienda kwenye kituo cha kidogo

cha polisi cha Minjingu, kutoa taarifa za kutishiwa kuuwawa na

kuharibiwa gari lake.

Nao wageni hao, wakisimulia tukio hilo kwa lugha ya kijerumani huku akitafsiri

Esau Malisa, walisema wamesikitishwa na kitendo cha mlinzi wa

hifadhi kupiga risasi gari lao na kusababisha uharibifu na

kumtishia kumuua dereva wao.

Walisema wao wanakuja nchini kuleta fedha, ila wanashangaa wanaanza

kutishiwa maisha yao hali inayowatia wasiwasi mkubwa na kutaka hifadhi

hiyo kumchukulia hatua stahiki mlinzi huyo kabla ya wao kuondoka

kurudi Ujerumani.

Watalii hao walisema wametembelea hifadhi ya Serengeti, Manyara,

Ngorongoro na Tarangile, ila kote kulikuwa na usalama wa kutosha

Isipokuwa katika hifadhi ya Tarangile.

Naye Mwongoza watalii, Esau Malisa, alisema kuwa mlizni huyo alitumia

silaha kali na nzito kama ya kivita, licha ya gari hilo kuwa

lilisimama na taa zilikuwa zinawaka kuashiria kuna gari.

Kwa upande wa  Afisa Uhusiano wa Mamlaka ya Hifadhi Tanzania, (TANAPA) , Paschal Shelutete, alikiri kutokea kwa tukio hilo na kuahidi kulichukua hatua stahiki kwa

muhusika.

Pia alisema kuwa tayari wamewaandikia barua watalii hao kuomba radhi

kwa yaliyowapata na kujaribu kuwaelewesha ili wasisite kuja Tanzania

wakati mwingine.