CCM mkoa mjini magharibi yamtambulisha Mlezi wa chama

Na Abdalla Pandu

12/10/2013

Mjumbe wa Kamati kuu na Halmashauri kuu ya CCM ambae pia ni mlezi wa Chama cha Mapinduzi mkoa wa mjini magharibi  Shamsi VAuai Nahodha amewataka viongozi  kujiamini katika kusimamia na kuelezea mafanikio  ya nchi sambamba na kuwataka wana CCM kuchagua  viongozi ambao watajali maslahi ya Taifa la Tanzania.

Amesema kuwa wakati huu  ni wa kujadili changamoto zinazokabili ili kuzipatia ufumbuzi badala ya kutumia majukwaa kuanza kulaumu utendaji wa serikali.

Ilikuwa ni wakati wa mkutano wa kumtambulisha mlezi huyo wa mkoa wa mjini magharibi CCM katika kiwanja cha Baja maeneo ya Jangombe kisiwani Unguja.

Aidha amesema Tabia ya viongozi wa upinzani kuangalia matatizo ya Muungano peke yake ni udhaifu wakati Zanzibar ina changamoto nyingi za uvujaji wa mapato bila viongozi hao kuzungumzia wakati wengine ni viongozi kwa baadhi ya Sekta hizo.

Akizungumza wakati akimkaribisha mgeni Rasmin Mwenyekiti wa CCM mkoa wa mjini magharibiBorafya Silima amesema kuwa Serikali ya mapinduzi itaendelea   kuongozwa na waafrika waliopindua ukoloni katika mwaka 1964 hivyo Tamaa za baadhi ya viongozi kutamani kurejesha yaliopita katika ukoloni hilo haliwezekani.

Ikiwa  Tanzania inaelekea katika kupata katiba  mpya baadhi ya wanasiasa wamekuwa wakiyatumia majukwaa ama vikao vyengine  kushutumiana badala ya kuhubiri amani utulivu na hatua za maendeleo ya nchi.