Dk Shein Amuapisha Kaimu Jaji Mkuu wa Mahakama Kuu ya Zanzibar.

STATE HOUSE ZANZIBAR

OFFICE OF THE PRESS SECRETARY

PRESS RELEASE

       Zanzibar                                                                                                                 8.12.2014

RAIS wa Zanzibar na Mwenyekiti wa Baraza la Mapinduzi Mhe. Dk. Ali Mohamed Shein leo amemuapisha Mhe. Mkusa Issack Sepetu, kuwa Kaimu Jaji Mkuu wa Mahakama Kuu ya Zanzibar.

Wakati huo huo, Dk. Shein amemuapisha Bibi Halima Maulid Salum, ambaye anakuwa Naibu Katibu Mkuu wa Wizara ya Afya Zanzibar katika hafla iliyofanyika Ikulu Mjini Zanzibar na kuhudhuriwa na viongozi mbali mbali wa Serikali ya Mapinduzi Zanzibar.

Miongoni mwa viongozi waliohudhuria katika hafla hiyo ni Makamu wa Pili wa Rais Balozi Seif Ali Idd, Dk. Mwinyihaji Makame Waziri wa Nchi Ofisi ya Rais, Ikulu na Utawala Bora, Waziri wa Nchi Ofisi ya Rais, Tawala za Mikoa na Idara Maalum Mhe. Haji Omar Kheir na Naibu Waziri wa Afya Mhe. Mahmoud Thabit Kombo.

Wengine ni Mkuu wa  Mkoa wa Mjini Magharibi Mhe. Abdalla Mwinyi Khamis, Mufti Mkuu wa Zanzibar Sheikh Saleh Omar Kabih, Kadhi Mkuu wa Zanzibar Sheikh Khamis Haji, Meya wa Manispaa ya Mji wa Zanzibar Khatib Abrahman Khatib,Washauri wa Rais wa Zanzibar na viongozi wengine wa Serikali.

Rajab Mkasaba, Ikulu Zanzibar

Postal Address: 2422 Tel.:0777427449. Fax: 024 2231822 

 E-mail: rajabmkasaba@yahoo.co.uk