SEMINA YA VIONGOZI WA KIDINI JUU YA MAENDELEO YA UTALII NA MUELEKEO WAKE

SEMINA YA VIONGOZI WA KIDINI JUU YA MAENDELEO YA UTALII NA MUELEKEO WAKE KATIKA KUKUZA DHANA YA UTALII KWA WOTE

HOTELI YA BWAWANI - TAREHE 18 JUNI 2012

MUWASILISHAJI : ALI KHALIL MIRZA - MKURUGENZI MKUU KAMISHENI YA UTALII - ZANZIBAR

Yaliyomo

•      

    Maana ya Utalii

Aina za Utalii

Historia Fupi  ya Utalii Zanzibar

Utalii kabla Mapinduzi

Utalii baada ya Mapinduzi

Kwanini Utalii?

Dhana za kuendeleza Utalii

•      Hali halisi ya Utalii

•      Utalii na Utamaduni

•      Utalii katika nchi mbali mbali

•      Faida ya dhana ya Utalii kwa wote

•      Muelekeo

TUNAMAANISHA NINI TUNAPOSEMA UTALII?

•      Utalii ni kwenda kutembelea na kusoma nchi namna ya maumbile yake kijogorafia

•      Pia kusoma tabia, desturi, utamaduni, miko, tambiko na historia ya nchi ile

Aina za Utalii

•      Utalii wa mapumziko (holidays)

•      Utalii kibiashara

•      Utalii wa mikutano

•      Utalii wa kidini

•      Utalii wa utamaduni na historia

•      Utalii wa kimazingira(eco tourism)

HISTORIA FUPI YA UTALII ZANZIBAR

•      Zanzibar ilisogezwa karibu na Ulaya mwaka wa 1869 baada ya kufunguliwa Suez Canal.

•      Baadae kuanzishwa kwa Kampuni ya meli ya Kiingereza (British Indian Steam Navigation Company) ambayo ilikuwa ikileta meli kila mwezi kupitia Aden mnamo mwaka wa 1872.

•      Kuanzishwa kwa kampuni ya simu (Eastern Telegraph Company mwaka 1879) na kulazwa waya wa simu baharini kutoka Zanzibar

•      Sultan Khalifa bin Said kutangaza rasmi kuwa mtu ye yote atakayeingia Zanzibar ni mtu huru katika mwaka wa 1889.

•      Uhusiano wa karibu baina ya Zanzibar na Umarekani wa bishara wa wakati ule hasa baina ya Zanzibar na Connectcut, Massachusetts  na Salem huko Boston.

•      Meli kama vile Laurel chini ya nahodha Lovett ambayo ilianza safari yake ya kwanza hapa Zanzibar tarehe 20 July, 1825 na baadae ikawa inakuja kila mwaka.

•      Kufuatia na meli ya Ann chini ya nahodha Charles Millet mwaka wa 1826.

•      Kufutwa kwa biashara ya Utumwa na Sultan  Barghash 1873

•      Uingereza, Marekani na Ujerumani kuitambua rasmi Zanzibar

UTALII WA KALE

•      Hakukuwa na Idara au Mamlaka ya Serikali kwa wakati ule iliyohusika na Utalii ila kulikuwa na Kamati ya Utalii chini ya Resident wa Uingereza.

•      Kulikuwa na kampuni binafsi zilizohusika na Utalii.

–     Leslie and Anderson (East Africa) Ltd.

–     R. Damador Bhimji & Company

–     Zanzibar Tours and Holidays

BAADA YA MAPINDUZI

•      Baada ya Mapinduzi Serikali iliendeleza dhana ya Umoja wa Mataifa ya wakati ule ya kuwa utalii utumike kwa kukuza urafiki baina ya mataifa.

•      Ikaanzisha   Shirika la Urafiki la Utalii ( Tanzania Friendship Tourist Bureau, TFTB)

KWA NINI UTALII ZANZIBAR

•      Baada ya kufikia miaka ya 80 Zanzibar ilitoka katika mfumo wa uchumi wa kijamaa na kuweka hali maridhawa ya uwekezaji kutoka nje.

•      Hii ilitokana na hali halisi ya ulimwengu ya wakati ule na pia kuanguka kwa zao la karafuu.

•      Serikali ikatunga Sheria ya Uwekezaji na kuanzisha Zanzibar Investment Committee (ZIC).

•      Kuanzishwa kwa Mamlaka ya Uwekezaji 1986

•      Kuanzishwa kwa Kamisheni ya Utalii 1992

•      Kuanzishwa kwa Chuo cha Utalii  Maruhubi 1992

DHANA MBALI MBALI ZA KUENDELEZA SEKTA YA UTALII

•      Utalii unaweza kuchangia ukuaji wa Pato la Taifa na juhudi za kuongeza kipato cha watu (UNWTO)

•      Utalii  pia unasaidia juhudi za kuleta maendeleo endelevu (Benki ya Dunia)

•      Kwa nchi zenye uchumi duni na zinazoendelea utalii ni sekta kichocheo kwa ukuaji wa sekta nyengine za kibiashara pamoja na miundo mbinu (Umoja wa Mataifa)

•      Utalii unaweza kukuza uchumi ukiwekewa mikakati ya kusaidia ukuwaji wa sekta yenyewe (OIC)

MAENDELEO YA SEKTA YA UTALII

•      Serikali ya Mapinduzi ya Zanzibar kupitia Mpango Mkuu wa Kukuza Uchumi na Kupunguza Umaskini(MKUZA) umebainisha Sekta za Utalii na Biashara ndio sekta viongozi kwa uchumi wa Zanzibar na hivyo kuahidi kutilia mkazo katika maendeleo ya sekta hizo.

•      Halikadhalika Dira ya Maendeleo  2020 nayo pia imeipa kipaumbele Utalii kwa kuongeza pato na kupunguza umasikini

HALI HALISI YA UTALII

•      Utalii unachangia asilimia 27 ya pato la taifa (GDP)

•      Unachangia asilimia 80 ya fedha za kigeni (foreign exchange earnings)

•      Unatoa ajira za moja kwa moja kwa zaidi ya watu 12,500 na wengine 45,000 wanafaidika na sekta hii kwa njia isiyo kuwa ya moja kwa moja (indirect & induced activities).

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                     

JE NCHI INAWEZA KUENDELEZA UTALII NA KUDUMISHA MILA NA UTAMADUNI WAKE?.

Ni wazi kuwa utalii ukitumika vizuri  unaweza kutusaidia kufikia malengo yaliyokusudiwa

•      Kama tulivyotangulia kusema miongoni mwa vivutio vya utalii ni utamaduni.

•      Watalii huenda kujifunza mambo waliyokuwa hawayajui

•      Kwa hivyo utalii mahala pengi duniani unatumika kama njia ya kuhifadhi, kuenzi na kutunza utamaduni wa nchi.

JE KUNA UMUHIMU KWA NCHI  KUENDELEZA UTALII?

•      Kwa sababu za kiuchumi sio tatizo kwa nchi kama Zanzibar kuendeleza Utalii kama ilivyo Afrika ya Kaskazini, Mashariki ya Kati, Indonesia, Malaysia, Uturuki na kwengineko.

•      Mbali na sababu za kiuchumi na mazingira utalii unaweza kutumika kukuza dini, maelewano, mila na silka zetu. Nchi kama Malaysia,  hivi sasa ni mfano mzuri maendeleo ya aina hiyo.

DHANA YA UTALII KWA WOTE

•      Utalii kwa wote unalenga zaidi kwa jamii kufaidika kiuchumi na utalii

•      Jamii iweze kuainisha na kufanyia tafiti  ili kupata historia halisi ya vivutio vya utalii ikiwa ni maeneo ya asili, utamaduni, michezo na huduma.

•      Jamii iweze kuibua na kusimamia bidhaa ambazo zitaingia katika soko la ndani la utalii (Branding)

•      Kuwa wabunifu kwa kuangalia vivutio vipya vya utalii vinavyochunga maadili yetu. Mfano kivazi, lugha ,uvuvi, kilimo na taaluma

•      Ili tuwe na uwezo wa kuutumia utalii ili usilete madhara ni kila mmoja wetu ashiriki katika sekta ya utalii akiwa katika mazingira yake,

•      Nchi nyingi za Mashariki ya Mbali, Visiwa kama Shelisheli, Mauritius, Maldives vimefanikiwa baada ya wananchi wake kushiriki kikamilifu na kuwa na usemi mmoja kuhusu utalii.

MAZINGIRA BORA KATIKA KUFANIKISHA UTALII KWA WOTE

Katika kufanikisha Utalii  uwe na Faida kwa Jamii yote ni muhimu:

-          Kila mmoja wetu awe na uwezo wa kushiriki na kuzungumzia utalii

-          Taasisi  na watu binafsi wawajibike katika sehemu zao za kazi au maisha ikiwezo kudumisha usafi, upatikanaji wa huduma nzuri, ukarimu, kutoa msaada wakati wa  dharura, ulinzi wa watalii na mali zao, kutoa maelekezo sahihi, kuthamini utamaduni wetu , uaminifu nk

MAZINGIRA BORA…..

Wawekezaji wahakikishe wanawekeza pia kujenga ujuzi na uwezo wa wenyeji ili kupatikane wataalamu wa ndani ya nchi 

•      Kwa ufupi maelezo hayo na miongozo ya kitaifa na jumuia za mataifa tukiyafuata tutafanikiwa kukuza utalii, kukuza jina la nchi yetu kiuchumi na kiutamaduni na kufanikiwa.