Walemavu Wanakosa Miundombinu Inayokidhi Hali zao

Na Salama Njani

Imeelezwa kuwa Tanzania inakabiliwa na tatizo la ukosefu wa miundo mbinu inayokidhi haja kwa watu wenye ulemavu katika maeneo au majengo  mbali mbali ya huduma muhimu za jamii.

Mkurugenzi mkuu wa ofisi ya taifa ya takwimu Dk Albina Chuwa, amesema kutokana na tatizo hili zoezi la sensa ya watu na makazi ya mwaka huu imetoa kipaumbele kwa maswali yanayohusu ulemavu ili kuisaidai Serikali kupanga mipango ya maendeleo kwa watu wenye ulemavu ikiwemo miundo mbinu.

Amesema sambamba na hilo madhumuni makuu ya kutoa kipaumbele kwa maswali ya ulemavu, ni serikali kutaka kujua hali halisi na matatizo ya ulemavu pia kujua iwapo kama kuna aina nyengine ya ulemavu ndani ya jamii.

Amesema  Serikali inaelewa umuhimu wa watu  wenye ulemavu na  wanahaki ya kupata huduma zote za msingi kwa kuwawekea miundo mbinu inayofaa, pamoja na kuwajengea mstakbali wa maendeleo yao.

Dk Chuwa amewataka wananchi wote kuwa tayari kutoa taarifa zao au za familia zao zikiwemo za watu wenye ulemavu wakati wa zeozi la kuhesabu watu la sensa ya watu na makazi  linalotarajiwa kufanyika kuanzia agosti 26 hadi september 1 mwaka huu.