Ufunguzi wa Jukwa la Mkutano wa Pili wa Sekta ya Umma na Wakaguzi wa Ndani Tanzania.

MAKAMU wa  kwanza wa Rais wa Zanzibar Mhe. Othman Masoud Othman ( kushoto) akipokea zawadi kutoka kwa rais wa Taasisi ya Wakaguzi wa ndani Tanzania Bi Zelia Nyenza baada ya kufungua Jukwaa la Mkutano wa Tasisi za wakaguzi wa Tanzani Tanzania huko hoteli ya Golden Tulip Kiembesamaki mjini Zanzibar leo tarehe 24.04.2023. Mhe Othman alimuakilisha Mhe. Rais wa Zanzibar na Mwenyekiti wa Baraza la Mapinduzi DK Hussin Mwenyi.. Picha na Ofisi ya Makamu wa Kwanza wa Rais 

Makamu wa kwanza wa Rais wa Zanzibar Mhe. Othman Masoud Othman  akizungunza katika Mkutano wa wa Taasisi ya Wakaguzi wa ndani Tanzania akimuakilisha Mhe. Rais wa Zanzibar Dk. Hussein Mwinyi kuufungua Jukwaa la Mkutano wa Taasisi za wakaguzi wa Tanzani Tanzania huko hoteli ya Golden Tulip Kiembesamaki mjini Zanzibar leo tarehe 24.04.2023. Picha na Ofisi ya Makamu wa Kwanza wa Rais 

 

IMEELEZWA kwamba suala la kuwepo Utawala Bora katika nchi sio sera madhubuti na kanuni nzuri pekee, bali   ni kunahitajika kuwepo ufanisi kwenye utoaji na ufikishaji wa  huduma  kwa wananchi pamoja na utawala maridhawa wa rasilimali za umma nchini.

Makamu wa Kwanza wa Rais wa Zanzibar Mhe. Othman Masoud Othman, ameeleza hayo huko hotel ya Golden tulip mjini Zanzibar aliposoma hotuba kwa niaba ya rais wa Zanzibar na Mwenyekiti wa Baraza la Mapinduzi Dk. Hussein Mwinyi alipomuwakilisha kwenye ufunguzi wa Jukwa la Mkutano wa Pili wa Sekta ya Umma na Wakaguzi wa Ndani Tanzania.

Mhe. Dk Mwinyi amesema kwamba hivi sasa Tanzania   inashuhudia  mabadiliko makubwa kutokana na msukumo wa jamii, na kulazimika  kuongezeka uwazi katika matumizi ya fedha za umma na kwamba hatua hiyo inahitaji Kamati , Bodi , Maafisa Masuuli  na Wakaguzi wa ndani kujipanga vyema ili kuwezesha  mageuzi kwenye muelekeo wa ufikishaji huduma katika kuenua maisha ya watu nchini.

Aidha amefahamisha kwamba mkutano huo utatoa fursa  kwa wadau wa Ukaguzi na Utawala kubadilishana  mawazo na uzoefu juu yambinu bora  zitakazosaidia kuleta mageuzi ya kiutawala kwenye taasisi zote za umma  na binafasi na kutoa muono wa , mbinu na mikakati sahihi yakufikia  lengo la mageuzi  kwenye sekta ya umma kwa maslahi ya wananchi.

Sambamba na hayo Dk. Mwinyi amesema kwamba ni muda muafaka sasa wa kukabiliana na changamoto  mbali mbali zikiwemo za kimiundo  ya taasisi na kuondokana na muelekeo uliozoeleka wa kusimamia na kutenda kazi kwa kutoendana na mahitaji ya wakati uliopo.

Mhe. Dk. Mwinyi emefahamisha kwamba ni jambo muhimu katika kukidhi haja ya matarajio  ya wananchi yakuleta mageuzi kwa taasisi hizo kujipanga upya katika ufikishaji wa huduma bora kwa umma kwa kukuza ufanisi na kupata matokeo yanayoendana na matarajio ya watanzania.

Amesema kwamba wakaguzi wa ndani ndio jicho  na masikio ya sekta ya umma nchini na kwamba serikali za Tanzania zinaendelea kujidhatiti katika uimarishaji na kuweka umakini wa shughuli za ukaguzi  wa ndani katika kuleta ufanisi zaidi kukidhi matarajio ya wananchi kimaendeleo.

Hata hivyo Dk. Mwinyi emesema kwamba wakaguzi wamekuwa wakifanya kazi kubwa  bila kuchoka kuwezesha ofisi hizo kufikia malengo ingawa wapo baadhi ya wengine ambao hawajaelewa madhumuni ya kuwepo kwao kwenye ofisi hizo kwa makusudi ama kutokujijua na kuwataka kubadilika kwa kuondokana na mwenendo huo.

Aidha Dk Mwinyi ameonya kwamba serikali haitakuwa na ustahamilivu kwa wakaguzi wa ndani wasiotimiza wajibu wao ipasavyo na kuwataka watumishi hao wote kufanyakazi kwa bidii  na kuzingatia maadili ya kazi zao, matakwa na vigezo vya kitaaluma.

Mapema Mkaguzi Mkuu wa Ndani wa Zanzibar Bi Fatma Mohammed, amesema kwamba uwajibikaji wa wakaguzi wa ndani ni muhimu kwa matumizi sahihi ya rasilimali za umma na kwamba mkutano huo utasaidia kuchangia kuwepo mabadiliko ya kiutendaji yanayohitajika licha ya kuwepo changamoto mbali mbali kwenye kada hiyo.

Hata hivyo, Mkaguzi huyo wa ndani amebainisha kuwepo changamoto mbali katika sekta hiyo ikiwemo kutokuwepo sheria makhusisi inayosimamia masuala ya ukaguzi wa ndani, upungufu wa utaalamu wa kileo hasa katika masuala yanayohgusu  ukaguzi wa utaalamu wa teknolojia na kwamba kwamba serikali kupitia ofisi yake inafanya juhudi kubwa kutatua changamoto hizo.

Mkutano huo wa siku mbili unawashiriki wanataaluma, wakaguzi na viongozi wa taasisi mbali mbali zinazosimamia masuala ya ukaguzi wa ndani kutoka Tanzania Bara na Zanzibar.

Imetolewa na ofisi ya Makamu wa Kwanza wa Rais wa Zanzibar kupitia Kitengo chake Cha Habari leo tarehe 24.04.03