TAMWA Zanzibar kuishajiisha Serikali kutoa adhabu kali kwa watoto wanaokinzana na Sheria

Mjumbe wa mtandaao wa kupinga vitendo vya udhalilishaji GBV Mkoa wa Kusini Unguja kupitia chama cha Waandishi wa Habari Wanawake TAMWA Zanzibar  Sabbah Bakar Hassan akiwaelezea Waandishi wa Habari juu ya hatua wanazochukua katika kuwasaidia waathirika wa vitendo vya udhalilishaji, wakati wa ziara ya kutathmini utekelezaji wa mradi huo huko Mkataleni Wialaya ya Kati  Mkoa wa Kusini Unguja

Katibu wa mtandao wa kupinga Vitendo vya Udhalilishaji GBV Mkoa wa Kaskazini Unguja kupitia Chama cha Waandishi wa Habari Wanawake TAMWA Zanzibar Hafidh Mohammed Juma akizungumza na watendaji wa mradi huo  pamoja na waathirika wa vitendo vya udhalilishaji wakati wa ziara ya kufanya tathmini juu ya utekelezaji wa mradi   huko Mahonda Mkoa wa Kaskazini Unguja

Mwanaharakati wa kupinga Vitendo vya udhalilishaji kupitia chama cha Waandishi wa Habari Wanawake TAMWA Zanzibar Wilaya ya Magharibi A Bi fatma akiwaelezea Waandishi wa Habari juu ya hatua wanazochukua katika kuwasaidia waathirika wa vitendo vya udhalilishaji , wakati wa ziara ya kutathmini utekelezaji wa mradi huo huko Mwanyanya Wilaya ya Magharibi A Mkoa wa Mjini Mghar

Mjasiriamali Batula Mohamed khatib akielezea jinsi alivyonufaika na  mradi wa kupinga vitendo vya udhalilishaji (GBV) unaosimamiwa na TAMWA Zanzibar  wakati wa ziara ya kutathimini mafanikio ya mradi huo huko Magomeni  Wialaya ya Mjini Mkoa wa Mjini Magharibi 

Watendaji wa Mradi wa wa kupinga vitendo vya udhalilishaji (GBV) wakimsikiliza mwathirika wa Vitendo vya udhalilishaji wakati akitoa  maelezo juu ya msaada  aliyopatiwa na  wanaharakati wa mradi huo unaosimamiwa na TAMWA Zanzibar huko Jumbi Wilaya ya Magharibi B,Mkoa wa Mjini Magharibi.

 

 PICHA NA FAUZIA MUUSA

NA FAUZIA MUSSA                 MAELEZO 

Waathirika wa vitendo vya udhalilishaji wameiomba TAMWA Zanzibar kuishajiisha Serikali kutoa adhabu kali kwa watoto wanaokinza na Sheria ili kukomesha Vitendo hivyo

 

Wakizungumza kwa nyakati tofauti wakati wa ziara ya kutathmini mafanikio ya utekelezaji wa mradi wa kupinga vitendo vya udhalilishaji GBV wamesema kupitia TAMWA  mambo mengi juu ya kupambana na vitendo hivyo yamefanyika ikiwemo kubadilishwa kwa sheria za kupambana na matukio ya udhalilishaji na kuanzishwa kwa mahakama maalum ya vitendo vya udhalilishaji  hivyo endapo watalisimimia vyema suala la watoto wanaokinzana na sheria linaweza kuangaliwa upya.

 

 Walisema asilimia kubwa ya watoto hao hupatiwa adhabu ndogo ikiwemo kifungo cha Miezi 3 na  faini ya shilingi laki mbili na nusu ,jambo ambalo haliwaadabishi watoto hao na kuwapa uthubutu wakurejea tena Vitendo hivyo siku hadi sku.

 

"Mtoto kadhalilishwa na kuharibika vibaya Mzee anatumia gharama kubwa kumtibu na kufatilia kesi Zaid ya miaka 2 siku ya hukumu mtoto anahukumiwa miezi 3 na faini laki mbili na nusu,ambayo laki moja na nusu ni ya Serikali laki moja ndio ya muathirika haikidhi kabisa gharama za kufatilia kesi na matibabu ,wala haifuti  machungu ya waathirika wa matukio hayo."Walisema Waathirika hao.

 

Walisema mara nyingi Vyombo vya Sheria huwahurumia watoto waliofanya vitendo vya udhalilishaji na kusahau athari nyingi wanazopata watoto wanaotendewa  vitendo hivyo.

 

“Mtoto aliefanya vitendo vya udhalilishaji analipiwa faini na  wazazi wake hivi tunamuadhibu mototo au mzazi bila ya kupewa adhabu kali yeye kama yeye ataendelea tena na tena kufanya vitendo hivyo”Walishauri Waathirika hao

 

Hata hivyo waliomba Serikali kuweka chuo maalum cha Mafunzo kwaajili ya watoto wanaokizana na Sheria (Nunda)  pamoja na vituo vya kurekebisha  Tabia ili kudhibiti watoto  hao kuendelea kufanya  vitendo hivyo.

 

Mbali na hayo walioomba TAMWA Zanzibar  kuendelea kutoa Elimu ya Saikilojia kwa waathirika wa  vitendo vya udhalilishaji ili kuwasaidia kuondakana na athari mbali mbali  zinazojitokeza ikiwemo kuathirika kisaikolojia Jambo linalosababisha  kushindwa kufanya harakati zao za kimaendelo.

 

 

Vile vile Waliishauri jamii kuacha kuwanyanyapaa watoto walioathiriwa na vitendo vya udhalilishaji kwani kunapelekea kushindwa kushiriki katika mambo muhimu ya kijamii ikiwemo kupata haki ya elimu.

 

Awali waliwashukuru wanamtandao wa kupinga vitendo vya udhalilishaji kwa kuwajengea uthubutu wa kutoa taarifa na kusimamia kesi zao, na kuiomba  TAMWA Zanzibar kuleta miradi mengine itakayoendeleza mapambano dhidi ya vitendo vya udhalilishaji hadi kufikia malengo ya kumaliza vitendo hivyo Nchini.

 

Akizungumza katika ziara hiyo Ofisa Mkuu wa Mawasiliano kutoka TAMWA Zanzibar Sophia Ngalapi alisema katika  ziara hiyo wameona mafanikio mbalimbali ya mradi  ikiwemo wananchi kufurahia utekelezaji wa TAMWA na uwepo wa wanamtandao sambamba  na kuthami mchango unaotolewa na watu hao katika  kupambana na vitendo vya udhalilisha.

 

Alieleza kuwa zaiara imeonesha jamii hairidhishwi na  hukumu  zinazotolewa kwa  washitakiwa waliochini ya miaka 18 kwani haiendani na machungu ya Waathirika ,hivyo TAMWA Zanzibar itakaa na wadau wa kupinga vitendo vya Udhalilishaji kushauriana katika kuliangalia upya suala hilo ili jamii iweze kupata haki zao.

 

Katika ziara hiyo watendaji wa mradi wa GBV waliwatembelea waathirika wa Vitendo vya Udhalilishaji katika maeneo mbali mbali ya Mikoa ya Unguja ikiwemo Jendele,Mitakawani,Mahonda,Jumbi ,Mwanyanya na Magomeni