Habari za Punde

Viongozi hawana uzalendo-ADC


Na Mwajuma Juma,DSM
MWENYEKITI wa chama cha ADC Taifa, Said Miraji amesema kukosekana uzalendo wa viongozi kumepelekea nchi kuporomoka.

Akizungumza na wanachama na viongozi wa chama hicho katika hoteli ya Cresto Palace iliyopo Bungoni Dar es Salaam,alisema hao yote yametokana na kukosekana kwa miiko na maadili ndani ya vyama.

Alisema uzalendo umepungua sana kiasi kwamba inafikia pahala watu kusahau miiko na maadili yao na kupelekea kugombana.

Miraji alisema kumekuwa na mambo mengi
yanafanyika kinyume na matakwa ya wananchi ikiwemo kujengwa barabara zilizo chini ya kiwango na mambo mengine ya maendeleo ambayo mara
nyingi hutokea vitendo vya wizi, rushwa, na wananchi kuchukuwa sheria mikononi mwao.


“Mzalendo maisha yote hahitaji kusukumwa katika kufanya jambo ambalo litakuwa na maslahi ya taifa,” alisema.

Hata hivyo alisema, iwapo uzalendo utarejeshwa kutaondoa nusu ya matatizo yaliyomo katika nchi yao, hivyo aliwataka viongozi wa chama hicho kuwa wazalendo ili kuwa mabalozi wazuri katika ushindani wa kimaendeleo.

Kuhusu mchakato wa katiba mpya, Miraji alisema kuandikwa kwa katiba hiyo bila ya kuigusa katiba ya Zanzibar ni sawa na kupiga pasi suruali mguu mmoja.

Alisema kama kweli kunafanyika marekebisho ya katiba hayo hakunabudi na katiba ya Zanzibar ikaandikwa upya hasa kwa vile katiba
iliyopo sio wanayoitaka wananchi wa Zanzibar.

Alisema pamoja na hayo pia katiba hiyo inahitaji kuandikwa upya ili kuepusha maingiliano ya vifungu vya sheria pamoja na kutokea suintafahamu kutokana na kifungu kimoja kukataza na chengine kukubalia
jambo.

No comments:

Post a Comment

ZanziNews Copyright © 2014

Theme images by Bim. Powered by Blogger.