Hadithi ya leo (7)

 

Mtume Muhammad Swalla Allaahu ‘alayhi wasallam amesema:

"رب صائم ليس له من صومه إلا الجوع، ورب قائم ليس له من قيامه إلا السهر"

 رواه النسائي  

 Ole wake mwenye kufunga na asipate chochote katika funga yake isipokuwa (kukaa na) njaa. Ole wake mwenye kusimama usiku (kwa ajili ya kusali) na asipate chochote katika kusimama kwake isipokuwa kukesha tu

Imepokewa na AnNasaaiy

Tunapozitekeleza ibada zetu za funga na Ibada za usiku tuhakikishe tunakamilisha masharti ya kukubaliwa ibada ambayo ni kuwepo kwa ikhlaas (kuifanya ibada kwa kutaraji radhi zake Allaah Subhaanahu wata’ala pekee) wakati wa kuitenda amali yenyewe na kisha kumfuata Mtume Swalla Allaahu ‘alayhi wasallam wakati tunapoitekeleza. Vyenginevyo amali hizi hazitopokelewa kama ni ibada na hivyo kupoteza muda wetu tu.

Ewe Mola, zikubali amali zetu za funga na Sala na ibada zetu nyengine kwani tunazitekeleza kwa ajili ya kupata radhi zako tu.

Aamiyn