Wimbo mpya wa Diamond unaomshirikisha Zari 'Iyena' wazua hisia

Wimbo mpya wa nyota wa muziki wa bongo Diamond Platinumz kwa jina 'Iyena' unaomshirikisha mfanyibiashara wa Uganda na mama wa watoto wake wawili Zari Hassan umezua hisia kali.

Wimbo huo ambao ni wa pili katika albamu yake ya ABoyFromTandale kwa jina IYENA unaomuhusisha msanii Rayvanny unamuonyesha mwanamuziki huyo akifunga ndoa na Zari Hassan licha ya wawili hao kuwachana.

Kanda hiyo ya video ilio na mandhari ya ndoa ilirekodiwa wakati wawili hao walipokuwa pamoja.

Katika wimbo huo Platinumz anaonekana akifunga ndoa na mama wa watoto wake wawili huku Rayvany na Fahyma wakiwa wasimamizi wakuu wa harusi hiyo.

Baadhi ya mashabiki walidhania kwamba wimbo huo ulikuwa wa ishara ya msani huyo kurudiana na Zari Hassan

Ruka ujumbe wa Twitter wa @AdamuKikwete

Congratulations brother kwa kuwa mpole na kwakugundua makosa yako! Kama ni kweli unamrudia Mama tee ni vizuri zaidi! Ushauri wangu kwako simama imara usitikiswe na wanawake wa bongo. Ilifika kipindi napenda nyimbo zako! But life style yako ilivyokuwa inayumba sana.

— Dr Adamu Khalfani (@AdamuKikwete) 2 Juni 2018

Mwisho wa ujumbe wa Twitter wa @AdamuKikwete

Katika wimbo huo Platinumz anamuhakikishia Zari kwamba 'talaka ndio njia ya mwisho atakayokuwa akifikiria baada ya kufunga ndoa'.

Image captionMfanyibiashara na raia wa Uganda Zari Hassan

Hivi ndivyo msanii huyo alivyoandika katika mtandao wake wa twitter kabla ya kutoa kibao hicho:

Ruka ujumbe wa Twitter wa @diamondplatnumz

Nawashkuru sana sana kwa Mapenzi yenu Makubwa....Tangu Mwaka 2009 Hadi leo sikuzote Mmekuwa nami Bega kwa Bega, kwenye Shida na Raha.....Naamini kuna wengi Wenye uwezo mkubwa pengine kunizidi, lakini... https://t.co/TeQn2Y4Pwn

— Chibu Dangote (@diamondplatnumz) 1 Juni 2018

Mwisho wa ujumbe wa Twitter wa @diamondplatnumz

Na punde tu baadaye mashabiki wake walituma ujumbe katika mtadao wa twitter wakijibu.

Ruka ujumbe wa Twitter wa @Hamzasa44038912

Mziki mtamu kutokana na kitu kizuri kwahiyo endelea kukaza hata usiwasikilize makelele yao

— Hamza said (@Hamzasa44038912) 2 Juni 2018

Mwisho wa ujumbe wa Twitter wa @Hamzasa44038912

Hatahivyo kuna wale waliokerwa na msanii huyo kutoa wimbo huo mwezi mtukufu wa Ramadhan

Ruka ujumbe wa Twitter wa @KASHINDEM

Next time muheshimu mwezi mtukufu ndio huachie nyimbo huo ni ukumbusho Allah akujalie subira

— Maulid Tarimo (@KASHINDEM) 2 Juni 2018

Mwisho wa ujumbe wa Twitter wa @KASHINDEM

Ruka ujumbe wa Twitter wa @KassimRehema

Surely you Boy from Tandale... The best you could do is give her a fake wedding. Witchcraft is real

— Rehema Kassim (@KassimRehema) 1 Juni 2018

Mwisho wa ujumbe wa Twitter wa @KassimRehema

Zari na Diamond waliwachana mwezi Februari mwaka huu baada ya kuwa pamoja kwa takriban miaka mitatu.

Zari alisitisha uhusiano wao siku ya wapendwanao ya Valentine kwa kuchapisha ua jeusi na ujumbe mrefu kwa Diamond akisema amechoshwa na 'tabia' ya mwanamuziki huyo.