Waziri wa Kazi Uwezeshaji Wazee Wanawake na Watoto Zanzibar Mhe Maudline Castico Azindua Baraza la Wazee Jimbo la Magomeni Zanzibar.

Na.Mwashungi Tahir-Maelezo Zanzibar.

Waziri wa Kazi Uwezeshaji Wanawake na Watoto Maudline 

Cyrus Castico  amezindua Mabaraza ya Wazee ambapo kwa 

kuanzia Mabaraza hayo yatafanya kazi katika Jimbo la 

Magomeni.

Kuundwa kwa mabaraza hayo kunakusudiwa kuwaweka 

pamoja Wazee hao na kuanzishiwa miradi ya ujasiri amali ya 

kuendeleza maisha yao na kuondokana na umasikini.

Akizindua Mabaraza hayo katika uwanja wa Meya Waziri 

Castico ameitaka Jamii Wazee ipasavyo na kuheshimu 

mawazo yao kwani ndio hazina kubwa kwa Familia na Taifa 

kwa ujumla.

Amefahamisha kuwa Wazee wana haki ya kutoa mawazo yao 

na kusikilizwa kutokana na kujua vitu vingi na uzoefu 

unaotokana na umri mkubwa na utumishi wao.

Waziri Kastiko amesema Wazee hao wametumika muda 

mwingi katika kazi mbalimbali Sekta binafsi na Serikali 

ikiwemo Uhasibu na Nyanja mbalimbali za ulinzi hivyo 

mawazo yao ni muhimu.

Aliongeza kuwa Rais wa Zanzibar na Mwenyekiti wa Baraza 

la Mapinduzi Dk Ali Mohamed Shein amewapa kipaumbele 

katika Serikali yake na huwapa pencheni ya kila mwezi ili 

kujikimu mahitaji yao bila ubaguzi.

Amesisitiza kuwa Wizara yake iko makini katika kuhakikisha 

wazee wote wanakuwa na mazingira mazuri ya kuwapatiwa 

mambo muhimu yanayohitajika ikiwemo matunzo ya 

uhakika na malezi bora.

“Wizara yangu iko mstari wa mbele kwa kuwalinda wazee 

kwani wao ndio wenye fikira na busara katika kupanga 

mambo ya maendeleo yao” .Alisema Waziri huyo.

Hata hivyo aliwasihi wazee hao kuzidisha mashirikiano na 

kusaidia kuweka mikakati ya kupambana na vitendo vya 

udhalilishaji ambavyo vimekithiri katika jamii.

Sambamba na hayo viongozi wa jimbo hilo akiwemo mbunge 

Jamal Kassim Ali na Mwakilishi Rashid Makame Shamsi 

wameahidi kutoa elimu ya ujasiriamali kwa wazee hao na 

kuwapatia huduma za afya.

Viongozi hao pia wameahidi kuwa karibu nao na kupokea 

fikra na busara zao kwa kwa faida yao na Jimbo kwa ujumla.

IMETOLEWA NA MAELEZO ZANZIBAR