Naibu Katibu Mkuu Fedha na Mipango Zanzibar Akabidhiwa Ofisi

Aliekuwa Naibu Katibu Mkuu Fedha na Mipango Khamis Suleiman Mwalimu (Shibu) kulia akimkabidhi Ofisi na nyaraka mbalimbali Naibu Naibu Katibu Mkuu Fedha na Mipango mpya Aboud Hassan Mwinyi, makabidhiano hayo yamefanyika Wizara ya Fedha na Mipango Vuga Mjini Zanzibar.

Katibu Mkuu Wizara ya Fedha na Mipango Zanzibar Dk. Juma Malik Akili (katikati) akiwatambulisha baadhi ya maafisa wakuu wa Wizara yake kwa Naibu Katibu Mkuu Fedha na Mipango mpya Aboud Hassan Mwinyi mara baada ya hafla ya makabidhiano.

Aliekuwa Naibu Katibu Mkuu Fedha na Mipango Khamis Suleiman Mwalimu (Shibu) akitoa neno la shukrani mara baada ya kumkabidhi Ofisi kwa Naibu Naibu Katibu Mkuu Fedha na Mipango mpya hafla iliyofanyika Ukumbi wa Mikutano wa Wizara hiyo.

Naibu Katibu Mkuu Fedha na Mipango Aboud Hassan Mwinyi akizungumza na baadhi ya Maafisa Wakuu wa Wizara hiyo wakiongozwa na Katibu Mkuu Dk. Juma Malik Akili wakati wa hafla ya kukabidhiwa Ofisi iliyofanyika katika Ukumbi wa Mikutano Wizarani hapo.

Katibu Mkuu Wizara ya Fedha na Mipango Zanzibar Dk. Juma Malik Akili (wa pili kushoto) akiwa katika picha ya pamoja na baadhi ya Watendaji wakuu wa Wizara yake.

Picha na Makame Mshenga.

Na Makeme Mshenga -Maelezo Zanzibar.

KATIBU Mkuu Wizara ya Fedha na Mipango Zanzibar Dk. Juma Malik Akili, amewataka Manaibu Makatibu Wakuu Wakuu, Wakuu wa Maidara na Vitengo vya Wizara yake wafanye kazi kwa ushirikiano na wawe wazi ili kuondoa changamoto mbalimbali ziliopo ndani ya Wizara hiyo.

Akizungumza mara baada ya hafla ya makabidhiano ya ofisi ya aliekuwa Naibu Katibu Mkuu Fedha na Mipango Khamis Suleiman Mwalimu (Shibu), katika ukumbi wa mikutano wa Wizara hiyo Mjini Zanzibar Katibu Mkuu Juma amewataka viongozi hao kufanya kazi kwa pamoja na kuwa wazi ili kuiletea mafanikio Wizara hiyo.

Nae Naibu Katibu Mkuu Fedha na Mipango mpya Aboud Hassan Mwinyi akizungumza baada ya kukabidhiwa ofisi amewaomba mashirikiano maafisa wakuu wa Wizara hiyo kama walivyokuwa wakimpatia mtangulizi wake ili kuwatumikia wananchi wa Zanzibar.

“ Jamani mimi ni mtu nisiependa ubadhirifu wa mali za umma pia ni mumini wa nidhamu, uwajibikaji na nidhamu ya kazi hivyo nawataka tufanye kazi, sina maana kama mlikuwa hamfanyi kazi’’ alisema Aboud.

Aliwataka watafakari pale ambapo hawakufanya viruri wakati wa Khamis Shibu ambapo na yeye atatumia hiyo fursa ya kuongeza ufanisi wa utendaji kazi hasa ukizingatia wao ndio muhimili tegemezi wa Serikali.