Ufunguzi wa Mkutano wa Mafunzo ya Viongozi wa Serikali za Mitaa na Makamanda wa Polisi wa Mikoa na Wilaya

Makamu wa kwanza wa Rais wa Zanzibar Mhe. Othman Masoud Othman  akisalimiana na Viongozi mbalimali na Waziri wa Nchi Ofisi ya Makamu wa Kwanza wa Rais wa Zanzibar Mhe. Harous Said Suleiman na Katibu Mkuu wa Ofisi ya Makamu wa kwanza wa Rais Dk. Omar Dadi Shajak  Katibu Mtendaji wa Baraza la Watu wenye Ulemavu Zanzibar Ussi Khamis Debe, Mwenyekiti wa Baraza la Taifa la watu wenye Ulemavu  Salma Saadat Haji na Mkurugenzi wa Mpango wa Elimu ya Maandalizi Zanzibar  Sharifa Majid.

IMEELEZWA kwamba Watu Wenye Ulemavu wanaendelea kukabiliana na changamoto kadhaa hapa Zanzibar ikiwemo kutengwa, kubaguliwa na hata kutendewa ukatili, licha ya jitihada kadhaa za serikali zinazoendelea kuchukuliwa kwa kushurikiana na Jumuiya mbali mbali zinazoshughulikia masuala ya watu  wa jamii hiyo.

Makamu wa Kwanza wa Rais wa Zanzibar Mhe. Othman Masoud Othman, ameyasema hayo hoteli ya Madinat libahari  Mbweni Zanzibar, alipofungua mafunzo kwa viongozi wa Serikali za Mitaa wakiwemo Wakuu wa Wilaya na Mikoa, Makamanda wa Polisi wa Mikoa na Wilaya kuhusu uzingatiaji wa masuala ya watu wenye Ulemavu Zanzibar.

Mhe. Makamu amefahamisha kwamba  hatua hiyo inafuatia  masuala ya watu wenye ulemavu kupewa kipaumbele  ulimwenguni kote baada ya kubainika kundi hilo ambalo ni sehemu ya jamii kukosa haki zake za msingi na kupelekea Umoja wa Mataifa kuanzisha Mkataba wa watu wenye ulemavu duniani.

Hivyo  Mhe . Othman amesema katika kutekeleza Mkataba huo serikali ya Mapinduzi Zanzibar imechukua jitihada mbali mbali  za kuhakikisha watu wenye Ulemavu wanapata haki na fusra  mbali mbali wanazostahiki ili waendelee kuishi vyema kama wengine wote.

Mhe. Makamu alizitaja miongoni mwa jitihada hizo kuwa , pamoja na mambo mengine ni pamoja na kutungwa sera ya watu wenye Ulemavu  ya mwaka 2008 na kutungwa kwa sheria mpya inayosimamia masuala mbali mbali ya Watu wenye ulemavu ya mwaka 2022 Zanzibar.

Hivyo Mhe. Makamu amewataka wakuu wa wilaya  za Zanzibar kwa kuzingatia kifungu namba nane cha sheria hiyo kwa  kuanzisha  na kuyasimaia Mabaraza ya Watu Wenye Ulemavu ndani ya wilaya zao ili yaweze kufikia malengo ya kuwapa huduma bora watu wa jamii hiyo, sambamba na kuwashajiisha masheha wote nchini kuwafichua na kuwasajili  watu wenye ulemavu katika shehia  zote hapa Zanzibar.

Aidha Mhe. Othman ametoa wito kwa jamii yote  nchini kuhakikisha kwamba wanawapenda na kuwajali ipasavyo watu wenye ulemavu  na kuacha kabisa tabia ya  baadhi ya watu kuwadhalilisha  pia kutowaita majina yasioyofaa  kwa kuwa kila mmoja ni mlemavu mtarajiwa.

Naye Katibu Mkuu Ofisi ya Makamu wa Kwanza wa Rais Dk. Omar Dadi Shajak, amesema kwamba mafunzo hayo ni muendelezo  na jitihada za Serikali kupitia Ofisi hiyo katika kuifanya jamii na viongozi nchi kuwa na uwelewa mpana kuhusu masuala yote ya watu wenye ulemavu nchini.

Katika mafunzo hayo ya siku moja  mada mbali mbali zimewasiliwashwa na kujadiliwa ikiwemo dhana ya watu wenye ulemavu, uzingatiaji wa masuala ya watu wenye ulemavu , nyaraka za kitraifa na Kimataifa zinazohusu watu wenye ulemavu  na sheria mpya ya watu wenye ulemavu Zanzibar.

Makamu wa Kwanza wa Rais wa Zanzibar Mhe. Othman Masoud Othman akifungua mafunzo ya siku moja juu ya uzingatiaji wa masuala ya watu wenye ulemavu Zanzibar leo tarehe 27.05.2023 huko katika Hoteli ya Madinat Libahar Mbweni Zanzibar kushoto kwa makamu ni Mwenyekiti wa Baraza la watu wenye Ulemavu Zanzibar Bi Salama Saadat Haji.  Mfunzo hayo yamewajumuisha watendaji wa serikali za Mitaa wakiwemo  wakuu wa Wilaya na mikoa pamoja na Makamanda wa Polisi wa Wilaya na Mikoa kutoka Unguja na Pemba. Picha na Ofisi ya Makamu wa kwanza wa Rais wa Zanzibar.