Hutuba ya Mkurugenzi Muendeshaji Wa ZSTC Zanzibar katikasherehe za Utilianaji Saini

HOTUBA YA UFUNGUZI WA MRADI WA MAFUTA YA MIMEA KATIKA UKUMBI WA ZSSF, TIBIRINZI,

CHAKE CHAKE, PEMBA

 SIKU YA JUMAANE, DISEMBA 17, 2013.

  

MRADI  

ZSTC - ZANZIBAR & LAND CO. LTD.,- JAPAN

                      Mkurugenzi Muendeshaji wa SZTC Bi Mwanahija Almas Ali 

 NDUGU MGENI RASMI, BALOZI WA JAPAN, NCHINI  TANZANIA MHESHIMIWA  MAFAKI OKADA,

MHE. WAZIRI WA BIASHARA, VIWANDA NA MASOKO WA SERIKALI YA MAPINDUZI ZANZIBAR, MHE AHMED NASSOR MAZRUI.

MHE. NAIBU WAZIRI WA BIASHARA, VIWANDA NA MASOKO WA SERIKALI YA MAPINDUZI ZANZIBAR, MHE. THUWAYBA KISASI.

MHESHIMIWA KAIMU MKUU WA MKOA KUSINI, PEMBA MHE DADI FAKI DADI,

NAIBU KATIBU MKUU WIZARA YA BIASHARA, VIWANDA NA MASOKO, BW RASHID SALIM.

MWAKILISHI WA JETRO KUTOKA NAIROBI BW. HIROSHI KOMATSUZAKI.

MWENYEKITI WA BODI YA ZSTC, BW KASSIM SULEIMAN PAMOJA NA WAKURUGENZI  WENZAKE.

RAIS WA LAND CO. YA JAPAN, BW. AKIRA ABE

MAAFISA KUTOKA UBALOZI WA JAPAN NA  LAND CO.

MAAFISA WADHAMINI WA WIZARA MBALI MBALI ZA SERIKALI YA MAPINDUZI YA ZANZIBAR.

WAKURUGENZI WA IDARA NA TAASISI MBALI MBALI ZA SERIKALI YA MAPINDUZI ZANZIBAR.

WAKUU WA IDARA MBALI MBALI  NA WAFANYAKAZI WA Z.S.T.C.

WANAHABARI WA VYOMBO VYOTE VYA SERIKALI NA BINAFSI.

WAPENZI WAGENI WAALIKWA MABIBI NA MABWANA.

ASSALAAM ALAYKUM.

MHESHIMIWA MGENI RASMI NA WAHESHIMIWA WAGENI WAALIKWA.

AWALI  YA YOTE HATUNA BUDI KUMSHUKURU ALLAH ALIYETUJAALIA SIKU YA LEO HII KUFIKA HAPA SALAMA TUKIWA WAZIMA NA WENYE AFYA NJEMA.

NAPENDA KUCHUKUA NAFASI HII KUMSHUKURU MHE. BALOZI  MAFAKI OKADA NA UJUMBE WAKE KWA KUKUBALI KUWA NASI SIKU YA LEO KATIKA HAFLA YETU HII MUHIMU IKIWA NI SEHEMU YA UTEKELEZAJI WA MAGEUZI YANAYOENDELEA KUTEKELEZWA NA SHIRIKA. NA VILE VILE IKIWA NI SEHEMU YA SHAMRA SHAMRA ZA MAADHIMISHO YA MIAKA 50 YA MAPINDUZI, ZANZIBAR.

HALKADHALIKA NAMSHUKURU WAZIRI WETU MHE. AHMED NASSOR MAZRUI AMBAE ANA MAJUKUMU MENGI YA KIKAZI, KWA KUYAACHA NA KUJA KUUNGANA NASI.

PIA SHUKRANI ZIMWENDEE NAIBU WAKE MHE. MAMA THUWAIBA KISASI KWA AMBAE PAMOJA NA KUKABILIWA NA MAJUKUMU MBALI MBALI IKIWAMO KIKAO CHA B. L. W KINACHOENDELEA HIVI SASA NAE KWA KUPATA NAFASI YA KUJUMUIKA NASI.

AIDHA, NAMSHUKURU KAIMU MKUU WA MKOA KUSINI VILE VILE KWA KUJUMUIKA NASI KATIKA HAFLA HII.

PIA NATOA SHUKRANI ZA DHATI KWA MWAKILISHI WA JETRO KANDA YA AFRIKA MASHARIKI KUTOKA NAIROBI BW HIROSHI KOMATSUZAKI, NA RAIS WA LAND CO. BW. AKIRA ABE.

VILE VILE SHUKRANI ZIWAENDEE WAKURUGENZI WA BODI YA SHIERIKA, MAAFISA WADHAMINI WA WIZARA MBALI MBALI, WAKURUGENZI WA TAASISI NA IDARA MBALI MBALI, WAKUU WA IDARA NA WAFANYAKAZI WA SHIRIKA, KAMATI YA MAANDALIZI, WANAHABARI WOTE NA WAGENI WOTE WAALIKWA.

MHESHIMIWA MGENI RASMI NA WAHESHIMIWA WAGENI WAALIKWA

SHIRIKA LA BIASHARA LA TAIFA NI SHIRIKA LENYE HISTORIA NDEFU KATIKA USIMAMIZI WA UZALISHAJI, UNUNUZI NA UUZAJI WA KARAFUU NA MAFUTA YA MIMEA.  NI SHIRIKA PEKEE LILILOPEWA MAMLAKA NA SERIKALI KUFANYA HIVYO. NA NI WAMILIKI WA KIWANDA PEKEE KINACHOZALISHA MAFUTA YA MIMEA HAPA ZANZIBAR, KIWANDA HICHO KIPO PEMBA NA KIMEANZISHWA MIAKA 30 ILIYOPITA.

KWA SASA SHIRIKA LIKO KATIKA MCHAKATO WA MAGEUZI, AMBAYO YATACHUKUA MIAKA KUMI KUANZIA 2011 HADI 2021.

MAGEUZI HAYA YAMETOKANA NA TAFITI MBALI MBALI ZILIZOFANYWA NA SERIKALI ILI KUTATUA MATATIZO YA SEKTA YA KARAFUU NA KUZIKABILI  CHANGAMOTO ZAKE.

VILE VILE MAGEUZI HAYO YATAGUSA KUREKEBISHA MFUMO WA UENDESHAJI SHIRIKA. MAENEO MENGINE YATAKAYOGUSWA NA MAGEUZI HAYO NI  UZINDUZI WA MRADI HUU WA LEO.

MHESHIMIWA MGENI RASMI NA WAHESHIMIWA WAGENI WAALIKWA

MOJA YA FAIDA ZA MRADI HUU WA LEO ITAKUWA NI KUKIDHI MAHITAJI YA SOKO AMBAYO HUBADILIKA KUENDANA NA WAKATI HUSIKA.

MHESHIMIWAM MGENI RASMI NA WAHESHIMIWA WAGENI WAALIKWA

ILI KUENDANA NA MAGEUZI TUNAPASWA KUBADILIKA KIMTAZAMO, KIFIKRA, KIVITENDO NA KITABIA KAMA AMBAVYO HIVI SASA SHIRIKA LINAFANYA.

MHESHIMIWA MGENI RASMI NA WAHESHIMIWA WAGENI WAALIKWA

NAOMBA NITOE MAELEZO KUHUSIANA NA HAFLA HII YA LEO, HUU NI MRADI WA MASHIRIKIANO YA KIBIASHARA KATI YA Z.S.T.C. NA LAND CO., YA JAPAN KATIKA KUIMARISHA NA KUENDELEZA BIDHAA ZA MAFUTA YA MIMEA YANAYOZALISHWA NA SHIRIKA.

CHIMBUKO LA MRADI HUU LIMETOKANA NA MAONYESHO YA “COSME TOKYO” YANAYOFANYIKA JAPAN KILA MWAKA. SHIRIKA LILIHUDHURIA MAONYESHO YA JUNI, 2012 NA JUNI, 2013. KATIKA MAONYESHO HAYO, MAAFISA WA SHIRIKA  WALIKUTANA NA RAIS WA LAND CO., NA KUFANYA MAZUNGUMZO YA KINA KUHUSIANA NA MASHIRIKIANO NA MRADI HUU.

MAZUNGUMZO HAYO, YAMEZAA MATUNDA YANAYOASHIRIA MRADI KUWA NA MANUFAA KWA PANDE ZOTE MBILI.

MRADI HUU UNAOZINDULIWA LEO  UTAKUWA NI WA MUDA WA MIAKA 3 NA UNADHAMINIWA NA ZSTC, LAND CO. NA KUSAIDIWA NA SHIRIKA LA BIASHARA ZA NJE LA JAPAN (JETRO) NA UTAKUWA NA MADHUMUNI MAKUBWA YAFUATAYO:

1.     KUIMARISHA KWA KUZIONGEZA THAMANI BIDHAA ZA SHIRIKA.

2.     KUTOA AJIRA KUTOKANA NA UANZISHWAJI WA VIWANDA VIDOGO VIDOGO KWA LENGO LA KUPUNGUZA UMASIKINI

3.     KUZIWEZESHA BIDHAA ZA SHIRIKA KUUZWA KATIKA SOKO LA JAPAN NA MASOKO MENGINE YA NJE.

4.     KUWEZESHA SHIRIKA KUTANUA SOKO LA NDANI KWA BIDHAA HIZO.

5.     KUTOA ELIMU ELEKEZI, UJUZI WA KITAALAMU NA MAFUNZO STADI KATIKA UANZISHWAJI  WA VIWANDA VIDOGO VIDOGO, ZANZIBAR.

6.     KUZALISHA BIDHAA ZENYE VIWANGO VINAVYOKUBALIKA KIMATAIFA.

MHESHIMIWA MGENI RASMI NA WAPENZI WAALIKWA,

NAOMBA NISEME KWAMBA, NI IMANI YETU MRADI HUU UTAKUWA NA TIJA NA UTATOA MWANGA MBELE TUENDAKO KUTOKANA NA JITIHADA KUBWA ZITAKAZOFANYWA KWA MASHIRIKIANO YETU ZSTC NA LAND CO. YA JAPAN.

TUNAAHIDI KUFANYAKAZI KWA PAMOJA NA LAND CO.  KWA UWAZI (TRANSPARENCY), MFUMO BORA WA UENDESHAJI (SOUND MANAGEMENT) NA UWAJIBIKAJI (ACCOUNTABILITY).

WAHESHIMIWA MLIOHUDHURIA HAPA LEO MTASHUHUDIA UWEKAJI SAINI WA MAKUBALIANO YA MASHIRIKIANO YA KIBIASHARA BAINA YA Z.S.T.C. NA LAND CO., YA JAPAN.

NAISHUKURU WIZARA YA BIASHARA, VIWANDA NA MASOKO PAMOJA NA AFISA MDHAMINI WAKE KWA KUWA KARIBU NASI KATIKA KUTEKELEZA MRADI HUU. 

MHESHIMIWA MGENI RASMI NA WAHESHIMIWA WAGENI WAALIKWA,

NAWASHUKURU NYOTE KWA MARA NYENGINE TENA KWA MAHUDHURIO YENU, ENDAPO KUNA KASORO YO YOTE ILIYOJITOKEZA NAPENDA KUOMBA RADHI KWA HALI HIYO NAOMBA ICHUKULIWE KUWA NI KASORO ZA KIBINADAMU NA SIO MAKUSUDIO YETU.

AHSANTENI KWA  KUNISIKILIZA.