Kwamtipura wahimizwa kushirikiana

Na Mwanajuma Mmanga

MWENYEKITI wa CCM jimbo la Kwamtipura, Kombo Said Ally,  amasema maendeleo ya jimbo hilo yatafikiwa endapo kutakuwa na mashirikiano baina ya viongozi wao.

Alisema  yeye yuko tayari kushirikiana na wananchi katika kukabiliana na changamoto zinazorudisha nyuma  maendeleo ya jimbo hilo.

Aliyasema hayo wakati akizungumza na wazee wa jimbo hilo Mkele wilaya ya mjini Unguja.

Alisema endapo watashirikiana na kuunganisha nuvu zao watafikia malengo waliyojiwekea na kukipatia chama ushindi katika uchaguzi mkuu ujao.

Aliwasisitiza wazee hao kuzidisha mashirikiano na kusimamia maendeo ndani ya jimbo lao bila kujali itikadi za kisiasa.

Nae Sheha wa shehia ya Mkele, Khamis Khamis Mkadamu, alisema maendeleo ya jimbo hilo yatafikiwa endapo kutakuwa na mashirikiano mazuri baina ya viongozi  na wananchi.