Mwinyi awataka Waislamu kuungana

Na Fatuma Kitima,Dar es Salaam

RAIS Mstaafu wa awamu ya  pili,Ali Hassan Mwinyi, amejumuika pamoja na baadhi ya viongozi kwenye futari iliyoandaliwa na Mwenyekiti Taifa wa JUWAQUTA,Shekh Alhad Mussa Salum.

Akitoa nasaha zake baada ya futari hiyo, Mwinyi aliwapongeza waandaaji wa  futari hiyo kwa kuwakutanisha pamoja na kuweza kufahamiana na watu mbali mbali.

Alisema jambo la kukutana pamoja ni zuri na linatijika hivyo alitoa  rai kwa waislamu kuendelea kukutana.

Naye Mwenyekiti wa Taifa wa JUWAKUTA, Shekh wa Mkoa wa Dar es Salaam, Alhad Musa Salum, alisema futari hiyo imekuwa na tija kwani watu wengi wamepata fursa ya kufahamiana na kubadilishana mawazo.

Aliwashukuru viongozi waliohudhuria katika futari hiyo na kuahidi kuendelea kuimarisha udugu wa Tanzania na wageni.