Nyumba 364 hazina vyoo Kiwani Pemba

Na Haji Nassor, Pemba

JUMLA ya nyumba 364 kati ya 546 hazina hazina vyoo na wakaazi wake wanaendelea kujisaidia msituni na kando kando ya bahari, huko Shehia ya Kiwani, Wilaya ya Mkoani Kisiwani Pemba.

Akiuzugumza na mwandishi wa habari hizi kijijini huko Sheha wa shehia hiyo, Abdallah Makame alisema kua kati ya nyumba hizo zenye vyoo ni nyumba 182, huku hali ya kukabiliwa na maradhi ya mripuko ikiwanyemelea wananchi wake.

 

Alisema kutokana na idadi kubwa ya nyumba kukosa vyoo, wengi wao hulazimika kufanya haja kubwa pembezoni mwa mkaazi yao na wengine hufanya shughuli zao katika maeneo yao ya kazi kama vile kando kando ya bahari.

 

Sheha Abdallah alieleza kua juhudi kubwa zimekuwa zikichukuliwa wa na hata Serikalia za mitaa ili kuwahamasisha wananchi kuchimba vyoo na kunaongezeko la vyoo takribani 70 katika mwaka uliomalizika.

 

Alisema kutokana na wataalamu wa afya kupita mara kwa mara na kuhamasisha matumizi bora ya vyoo, kwa sasa wananchi hususani wanaojenga nyumba mpya hulazimika kutenga sehemu ya choo.

 

‘’Bado, kwa mujibu wa idadai ya nyumba zilizomo ndani ya shehia yangu kama ni 182 tu zenye vyoo hali hairidhishi , illa kasi ya kuchimba kwa sasa imeongezeka mara dufu’’,alifafanua sheha huyo.

 

Akizungumza uharibifu wa mazingira shehiani humo alieleza kuwa bado elimu haijawafikia vya kutosha wananchi wake na wamekuwa wakidhani suala la ukataji miti haliingia miongoni mwa kadhi ya kusababisha joto.

 

Alieleza ingawa elimu imekua ikitolea lakini si kwa kiwango kikubwa na bado wapo baadhi ya wananchi wamekuwa wakikata miti kwa kasi kwa madai ya kukosa jambo jengine la kufanya.

 

‘’Wapo wanaofanya biashara ya miti na wapiga mkaa , hawa bado masikio yao ni mazito maana hujibu kwamba ndimo wanapojiatia riziki sasa wanapoaachia kazi hiyo hulala na njaa’’,alizidi kusema Sheha huyo wa Kiwani.

 

Hata hivyo ameziomba taasisi za Serikali na watu binafsi kwenda kijiji huko ili kuwazindua wakaazi wa shehia yake ili kuondokana na ukataji miti na kuhamasishwa kupanda mipya  kwa kasi.

 

Aidha amewataka wananchi kuacha tabia ya kuchoma moto ovyo hasa katika kipindi hiki cha kiangazi kwani majanga kama hayo katika kipindi hiki hujitokeza mara kwa mara.