UVCCM Mfenesini waipongeza hotuba ya Rais Kikwete

Na Ali Issa na Miza Othman Maelezo.

Umoja wa Vijana wa  CCM Wilaya ya Mfenesini  Mjini  Unguja wameamua  kuiunga mkono kwa makusudi  hutuba  ya  Rais wa Jamuhuri  ya Muungano wa Tanzania Jakaya Mrisho Kikwete aliyoitoa Bungeni wiki iliyopita wakati wa uzinduzi wa  Bunge maalumu la Katiba huko Dodoma.

Hayo yamesemwa leo huko Bububu Wilaya ya magharibi Mjini Unguja na Mwenyekiti wa Umoja wa vijana CCM (UVCCM) Mbarouk Mrakib Mbarouk  wakati alipokuwa akizungumza na waandishi wa habari pamoja na Vijana wa chama hicho ofisini kwake Bububu.   

Amesema  hutuba ya Rais kikwete ni hutuba ilio jaa hekima na busara juu ya mustakabali mzima wa muundo wa serikali waitakayo Watanzania.

Amesema kutokana na kauli  za Rais huyo hakuna budi kwao kuiunga mkono kwani ndio muelekeo wao katika muundo wa serikali waitakayo wanaccm ambayo yenye umoja na mshikamano kwa watanzania.

Aidha amesema  alihamisha kuwa kwa wale wajumbe  wanaohudhuria  kikao cha Bunge la Katiba huko Dodoma  hawana budi  kuhakikisha wanatoa  maoni ya wananchi wao ikiwa ni njia moja ya kuwafanya wananchi hao kuleta umoja na mshikamano katika Taifa lao.

Mwenyekiti huyo alimpongeza kwa dhati dkt. Kikwete kwa kulizungumzia suala la mipaka ya Tanzania, mito,  maziwa,na bahari ambalo lilisahauliwa ndani ya katiba hiyo.

Pia alimshukuru Rais huyo kwa kuyazingatia masuala ya Zanzibar juu ya kujiunga na nchi za visiwa duniani ,umoja wa kiislamu OIC, na suala la mafuta na gesi asilia.

Mwenyekiti huyo aliwakumbusha wabunge wa Bunge maalumu wa CCM kuijadili katiba hiyo kwa kina ili lengo la kuwepo kwao bungeni ni kufanikiwa kwa katiba wanayo itaka wanaCCM.