Habari za Punde

HOTUBA YA MAKADIRIO YA MAPATO NA MATUMIZI YA BAJETI YA OFISI YA MAKAMU WA PILI WA RAIS KWA MWAKA WA FEDHA 2015/2016

UTANGULIZI:                                                                         

1.0         Mheshimiwa Spika, naomba kutoa Hoja kwamba Baraza lako Tukufu, likae kama Kamati ya Mapato na Matumizi ili lipokee, lijadili na hatimae liidhinishe Makadirio ya Mapato na Matumizi ya Ofisi ya   Makamu wa Pili wa Rais kwa kipindi cha mwaka wa fedha 2015/2016.

2.0     Mheshimiwa Spika, sina budi kumshukuru Mwenyezi Mungu Mtukufu kwa kuendelea kuijaalia nchi yetu amani na utulivu na kutuwezesha kufanya kazi zetu kwa mafanikio.  Vile vile nachukua nafasi hii kukushukuru wewe Mheshimiwa Spika kwa kuliendesha Baraza letu kwa amani na salama na ufanisi mkubwa.

3.0     Mheshimiwa Spika, kwa aina ya kipekee namshukuru na kumpongeza Rais wa Zanzibar na Mwenyekiti wa Baraza la Mapinduzi Mheshimiwa Dkt. Ali Mohamed Shein kwa uongozi wake mahiri na usimamizi mzuri wa shughuli za Serikali unaozingatia Katiba na Sheria za nchi. Mheshimiwa Rais amekuwa mstahamilivu mkubwa, asiyetetereka na kuwa mstari wa mbele katika kuhimiza uwajibikaji na uadilifu katika utendaji wa shughuli za Serikali. Chini ya uongozi wa Dkt.  Ali Mohamed Shein, nchi yetu imepiga hatua kubwa za maendeleo katika nyanja za kisiasa, kijamii na kiuchumi. Namuomba Mwenyezi Mungu aendelee kumpa kiongozi wetu huyu afya njema na umri mrefu, yeye na familia yake na amzidishie hekima na busara ili aendelee kuiongoza vyema nchi yetu.

4.0   Mheshimiwa Spika, aidha, namshukuru Makamu wa Kwanza wa Rais, Mheshimiwa Maalim Seif Shariff Hamad kwa kuendelea kumshauri vizuri na kumsaidia Mheshimiwa Rais wa Zanzibar na Mwenyekiti wa Baraza la Mapinduzi juu ya masuala mbali mbali yanayohusu maendeleo ya nchi yetu.  Pia namshukuru Mheshimiwa Makamu wa Kwanza wa Rais kwa mashirikiano yake makubwa kwa Ofisi yangu.

5.0   Mheshimiwa Spika, Pia napenda kuwapongeza kwa dhati Naibu Spika, Mheshimiwa Ali Abdalla Ali, Mwakilishi wa Jimbo la Mfenesini. Vile vile, nawashukuru Wenyeviti wa Baraza, Mheshimiwa Mgeni Hassan Juma, Mwakilishi wa Viti Maalum na Mheshimiwa Mahmoud Mohamed Mussa, Mwakilishi wa wananchi wa Jimbo la Kikwajuni kwa namna wanavyokusaidia katika kuliendesha Baraza letu hili.

6.0   Mheshimiwa Spika, naomba nitumie fursa hii pia kuwashukuru Wenyeviti na Wajumbe wa Kamati za Kudumu za Baraza lako Tukufu kwa kusimamia vyema utendaji katika Taasisi za Serikali ili kuhakikisha kuwa zinatekeleza majukumu yao kwa ufanisi. Aidha, natoa shukrani maalum kwa Mwenyekiti wa Kamati ya Kudumu ya Kusimamia Ofisi za Viongozi Wakuu wa Kitaifa Mheshimiwa Hamza Hassan Juma, Mwakilishi wa Jimbo la Kwamtipura, Makamu Mwenyekiti Mheshimiwa Saleh Nassor Juma, Mwakilishi wa Jimbo la Wawi na Wajumbe wote wa Kamati hiyo kwa kuyapitia Makadirio ya Mapato na Matumizi ya Ofisi ya Makamu wa Pili wa Rais ya mwaka 2015/2016 na kutupa ushauri utakaotuongoza katika utekelezaji wa malengo na majukumu ya Ofisi yetu.

7.0   Mheshimiwa Spika, Pia nawapongeza Wajumbe wote wa Baraza hili Tukufu kwa kuipitisha Bajeti ya Serikali ya mwaka 2015/2016 iliyowasilishwa na Mheshimiwa Waziri wa Fedha tarehe 13/05/2015. Bajeti hiyo ndiyo itakayoiwezesha Serikali kutekeleza majukumu yake kwa mujibu wa malengo iliyojiwekea katika shughuli za kuwaletea maendeleo wananchi.

8.0     Mheshimiwa Spika, kwa masikitiko makubwa naomba nichukue fursa hii kumkumbuka ndugu yetu na mwenzetu Marehemu Salmin Awadh Salmin alietutoka ghafla tarehe 19 Februari, 2015. Marehemu Salmin alikua kiongozi shupavu, hodari na wakati wote alikuwa mstari wa mbele kutetea wananchi na kutoa mchango mkubwa kwa maendeleo ya nchi yetu. Kuondoka kwake kumeacha pengo kubwa na daima tutamkumbuka kwa mchango wake kwa jamii na nchi yetu. Mungu ailaze roho ya Marehemu peponi, Amin.  Aidha, natoa pole kwa wale wote waliopoteza ndugu na jamaa zao katika maafa yaliyotokea tarehe 3 Mei, 2015 na waliopata hasara ya kupotelewa na kuharibikiwa na mali zao. Serikali inachukuwa hatua zinazostahiki kuona kwamba wale wote waliofikwa na maafa hayo wanarudi katika hali ya maisha yao ya kawaida.

HALI YA KISIASA:
9.0      Mheshimiwa Spika, hali ya kisiasa Zanzibar imeendelea kuwa ya shwari, amani na utulivu, hali ambayo imechangia kwa kiasi kikubwa katika  kuleta maendeleo kwa kutoa fursa za uwekezaji, kufanyika kwa shughuli za biashara na kutoa nafasi nzuri kwa wananchi  kufanya shughuli  zao za kimaisha bila ya wasi wasi. Hata hivyo, kunahitajika mashirikiano kwa Viongozi na wananchi wote ili kuhakikisha amani na utulivu unazidi kuimarika katika nchi yetu, rasilimali kubwa katika nchi yetu ni umoja, amani na utulivu, kwa hali yeyote lazima tuilinde rasilimali hii.

10.0   Mheshimiwa Spika, mwaka huu nchi yetu inakabiliwa na mambo mawili makubwa na muhimu, ambayo ni Kura ya Maoni kwa Katiba Inayopendekezwa ya Jamuhuri ya Muungano wa Tanzania na Uchaguzi Mkuu. Kwa upande wa Kura ya Maoni, baada ya kupatikana kwa Katiba Inayopendekezwa, wananchi wa Zanzibar na Watanzania kwa ujumla watapata fursa ya kuipigia kura ya maoni Katiba hiyo katika tarehe itakayotangazwa hapo baadae na Tume ya Uchaguzi. Napenda kuchukua nafasi hii kwa mara nyengine tena kuwanasihi wananchi kuisoma na kuielewa Katiba hiyo ili hatimae waweze kutoa maamuzi sahihi wakati wa kuipigia kura. Kwa upande wake Serikali imechukuwa juhudi ya kugawa nakala za Katiba Inayopendekezwa kwa wananchi Unguja na Pemba. Ni imani yangu kuwa wananchi wote wenye sifa za kupiga kura wataitumia fursa hii adhimu ya kuitumia haki yao ya kidemokrasia kwa kwenda kupiga kura ya maoni.

11.0     Mheshimiwa Spika, kwa upande wa Uchaguzi Mkuu, wananchi watapata fursa ya kuchagua viongozi wao wakiwemo Rais wa Zanzibar, Rais wa Jamhuri ya Muungano wa Tanzania, Wajumbe wa Baraza la Wawakilishi, Wabunge, na Madiwani ambao watawatumikia katika kipindi cha miaka mitano ijayo. Katika kufanikisha zoezi hilo, nawaomba wananchi ambao bado hawajajiandikisha na wanazo sifa za kufanya hivyo waende kujiandikisha katika Daftari la Kudumu la Wapiga Kura na kujitokeza kwa wingi kwenda kupiga kura muda utakapowadia.

12.0    Mheshimiwa Spika, kwa upande wa maandalizi ya  uchaguzi huo, Tume ya Uchaguzi ya Zanzibar inaendelea vyema na matayarisho ikiwemo uboreshaji wa Daftari la Kudumu la Wapiga Kura, kutoa Elimu ya Wapiga Kura na upatikanaji wa vifaa mbali mbali vya upigaji kura. Serikali kwa upande wake itahakikisha kwamba, Uchaguzi Mkuu huo utakuwa wa haki na utafanyika katika hali ya utulivu, usalama na amani. Hivyo tunaomba wanasiasa wote wasiwe chanzo cha kuharibu amani na upendo uliopo bali wawe chanzo cha kuimairisha amani, umoja na upendo.

HALI YA UCHUMI WA ZANZIBAR:

13.0    Mheshimiwa Spika, kama alivyoeleza Mheshimiwa Waziri wa Nchi Ofisi ya Rais, Ikulu na Utawala Bora wakati akiwasilisha hali ya uchumi kwa mwaka 2014 na Mpango wa Maendeleo kwa mwaka 2015/2016 katika Baraza lako Tukufu, uchumi wa Zanzibar kwa kipindi cha miaka mitano kuanzia mwaka 2010/2014 umeonesha mwenendo mzuri na umekua kwa kiwango cha kuridhisha cha wastani wa asilimia 6.5. Ukuaji huo wa uchumi ulitokana na kuimarika kwa sekta ndogo za Ujenzi, Fedha na Bima, Usafiri, Habari na Mawasiliano na Sekta ndogo ya Utawala wa Umma.

14.0        Mheshimiwa Spika, kwa upande wa Pato la Taifa  kwa mwaka 2014, Pato halisi lilikua kwa kiwango cha wastani wa asilimia 7.0 ikilinganishwa na wastani wa 7.2 mwaka 2013. Kuongezeka kwa pato la Taifa kumechangiwa na mambo makuu yafuatayo:-

     i.        Kuimarika kwa sekta ya huduma ambayo imekuwa kutoka asilimia 4.6 mwaka 2013 hadi asilimia 9.8 mwaka 2014.
   ii.        Kuimarika kwa sekta ya viwanda ambayo imekuwa kutoka asilimia 3.5 mwaka 2013 hadi asilimia 6.0 mwaka 2014.
 iii.        Kuongezeka kwa idadi ya watalii walioingia nchini kutoka watalii 181,301 mwaka 2013 hadi kufikia watalii 311,891 mwaka 2014 sawa na ongezeko la asilimia 72.
 iv.        Kuwepo kwa hali ya amani na utulivu nchini.

15.0      Mheshimiwa Spika, kuendelea kukuwa kwa uchumi wa Zanzibar kunatokana na juhudi za Serikali za kukuza uchumi kwa kutekeleza mipango, mikakati na sera mbalimbali za kiuchumi. Juhudi ambazo zitaendelezwa ili kuimarisha hali ya ustawi wa wananchi wa Zanzibar. Kama ilivyokwisha elezwa na Mheshimiwa Waziri wa Fedha kwa mwaka ujao maeneo muhimu yatakayopewa kipaumbele na Serikali ni miundombinu na mawasiliano,  huduma za kielimu, afya, na pensheni kwa wazee waliofikia miaka 70 na zaidi.

HUDUMA ZA JAMII:

16.0     Mheshimiwa Spika, katika Awamu hii ya Saba, Serikali imechukua hatua mbali mbali za kuimarisha huduma za elimu, afya, maji safi na salama pamoja na makaazi ili kuleta ustawi mzuri kwa jamii. Kwa upande wa Sekta ya Elimu, Serikali imeendelea kuchukua hatua madhubuti za kuiimarisha na kuiendeleza elimu. Hatua hizo ni pamoja na ujenzi wa skuli na madarasa mapya kwa skuli za Maandalizi, Msingi na Sekondari, ununuzi wa samani pamoja na vitabu vya kiada, ziada na vya maktaba kwa skuli mbali mbali za Unguja na Pemba.  Aidha, Serikali imeendelea kuwajengea uwezo walimu kwa kuwapatia mafunzo ya muda mrefu na mfupi kwa lengo la kuimarisha ubora wa elimu inayotolewa.

17.0  Mheshimiwa Spika, hivi karibuni Serikali imetangaza rasmi kufuta michango yote iliyokuwa ikitolewa na wananchi kwa ajili ya elimu ya msingi ya watoto wao na kuondosha ada za mitihani kwa elimu ya sekondari. Uamuzi huu wa Serikali una lengo la kuwaondoshea wananchi hasa wa kipato cha chini mzigo wa kugharamia elimu ya watoto wao na kutoa fursa zaidi kwa watoto wetu kupata elimu na kujenga Taifa la watu walioelimika. Tunamshukuru Mheshimiwa Rais kwa uamuzi huu wa Serikali yake ambao unawajali sana wananchi.


18.0     Mheshimiwa Spika, Serikali inaendelea kuweka mazingira mazuri ya kuwawezesha wanafunzi kujiunga na kuendelea na masomo ya elimu ya juu katika vyuo mbali mbali ndani na nje ya nchi kwa kuwapatia mikopo wale wote wanaokidhi vigezo vya kupatiwa mikopo hiyo. Serikali itaendelea kutoa huduma hii ya mikopo ya elimu ya juu ili kufikia lengo la kuwa na wataalamu wazalendo katika fani mbali mbali.

19.0     Mheshimiwa Spika, kwa upande wa Sekta ya Afya, Serikali imeendelea kuimarisha huduma za kinga na tiba katika hospitali na vituo vya afya pamoja na kutoa elimu ya afya kwa wananchi ili kujikinga na maradhi ya kuambukiza na yasio ya kuambukiza. Aidha, Serikali imezifanyia matengenezo makubwa hospitali na vituo vya afya na kujenga majengo mengine mapya Unguja na Pemba, ikiwemo wodi ya wagonjwa mahatuti (ICU) na kitengo cha huduma ya upasuaji vichwa na uti wa mgongo (Neuro Surgical Unit) katika Hospitali ya Mnazi Mmoja.
20.0    Mheshimiwa Spika, Serikali pia imechukua hatua za kuongeza madaktari na wahudumu wengine wa afya kwa kuwasomesha na kuwapatia uzoefu. Hivi sasa nchi yetu ina madaktari wazalendo wapatao 44 na madaktari bingwa wazalendo 13. Hii ni hatua kubwa sana kufikiwa na nchi yetu. Aidha, Serikali inawaendeleza madaktari 14 kuwa madaktari bingwa wa saratani, maradhi ya watoto, maradhi ya kina mama, upasuaji wa uti wa mgongo, maradhi ya mifupa na maradhi ya macho. Vile vile, kwa kushirikiana na nchi marafiki, Serikali imepatiwa madaktari bingwa wa maradhi mbali mbali kwa ajili ya kuwahudumia wananchi wetu.

21.0     Mheshimiwa Spika, kwa upande wa Sekta ya Maji, Serikali imeendelea na juhudi zake za kuwapatia wananchi huduma bora ya maji safi na salama. Katika kutimiza lengo hilo, Serikali inaendelea kutekeleza programu na miradi mbali mbali ikiwemo uchimbaji wa visima, ujenzi wa matangi ya maji na uwekaji wa pampu na mota. Pia kufanya matengenezo makubwa katika miundombinu ya usambazaji maji katika maeneo ya mijini na vijijini Unguja na Pemba. Serikali itaendelea kuwaelimisha wananchi athari ya kuviharibu na kuviziba vianzio vya maji ambavyo huweza kusababisha upungufu mkubwa wa maji.



22.0    Mheshimiwa Spika, Serikali kwa kutambua umuhimu wa makaazi bora kwa wananchi wetu imeandaa Sheria ya Condominium ili kuwawezesha wananchi kumiliki sehemu ya majengo katika nyumba za maendeleo na kuunda bodi ya kusimamia utekelezaji wa Sheria hiyo. Aidha, Serikali imeandaa Sheria ya Shirika la Nyumba la Zanzibar ya mwaka 2014 ili kusimamia utekelezaji wa Sera ya Taifa ya Nyumba. Pia, Serikali inaufanyia mapitio Mpango Mkuu wa Mji wa Zanzibar na kutenga maeneo maalum ya ujenzi wa nyumba za ghorofa kwa lengo la kupunguza matumizi ya ardhi kwa ajili ya ujenzi wa nyumba.

MASUALA MTAMBUKA:
Mazingira:

23.0   Mheshimiwa Spika, utunzaji wa mazingira ni suala muhimu katika maendeleo ya nchi yetu. Nchi zote duniani zinatoa kipaumbele katika suala hili kwa maendeleo endelevu na kupunguza umasikini. Kwa kutambua umuhimu huo, Serikali imekua ikihimiza wananchi kupanda miti kwa wingi na kuachana na tabia ya kukata miti ovyo na uchimbaji wa rasilimali zisizorejesheka kiholela. Aidha, wananchi wanaelimishwa kuachana na matumizi ya mifuko ya plastiki na kusafisha mazingira katika maeneo yao. Athari ya mafuriko yanayoikumba nchi yetu mara kwa mara kwa kiasi kikubwa yanatokana na uharibifu wa mazingira ikiwemo; uchimbaji wa mchanga kiholela, ujenzi wa nyumba katika maeneo ya mabondeni, kwenye njia za maji ya mvua na utupaji wa taka kiholela katika mitaro ya maji machafu. 

Mapambano Dhidi ya Ukatili na Udhalilishaji wa Kijinsia:

24.0     Mheshimiwa Spika, tatizo la ukatili na udhalilishaji wa kijinsia dhidi ya wanawake na watoto bado linaendelea kushamiri katika maeneo mbalimbali ya nchi yetu licha ya jitihada kubwa zinazochukuliwa na Serikali katika kupambana na tatizo hilo. Katika jitihada za kuendelea na mapambano hayo, Serikali imeanzisha kamati za kupambana na ukatili na udhalilishaji wa kijinsia katika ngazi ya taifa hadi shehia pamoja na kuzijengea uwezo kamati hizo. Serikali pia inashirikiana na Asasi za Kiraia na Viongozi wa Dini katika mapambano hayo. Kwa kutambua uzito wa tatizo hili, Rais wa Zanzibar na Mwenyekiti wa Baraza la Mapinduzi, Mheshimiwa Dkt. Ali Mohamed Shein mnamo tarehe 6 Disemba, 2014 alizindua rasmi Kampeni ya Kitaifa ya ‘’Ukatili na Udhalilishaji wa Wanawake na Watoto Zanzibar Sasa Basi’’. Lengo la Kampeni hii ni kuona kwamba hakuna tukio lolote la ukatili la udhalilishaji wa wanawake na watoto litakalovumiliwa katika nchi yetu. Nachukua nafasi hii kuwaomba viongozi na wananchi wote kuwafichua wanaofanya maovu haya na kuyapiga vita kwa nguvu zetu zote.

Mapambano dhidi ya Rushwa:

25.0        Mheshimiwa Spika, rushwa imekuwa donda ndugu na  ni adui mkubwa kwa maendeleo ya nchi yetu na ustawi wa jamii. Serikali inaendelea kuchukua hatua za kudhibiti vitendo vya kutoa na kupokea rushwa kwa kuielimisha jamii kujua madhara ya rushwa na haja ya kuichukia na kuikataa rushwa. Aidha, Serikali imetunga Sheria ya Kupambana na Rushwa na Uhujumu Uchumi ya mwaka 2012 na kuanzisha Mamlaka ya Kupambana na Rushwa na Uhujumu Uchumi. Serikali inaendelea kuijengea uwezo taasisi hii ili iweze kutekeleza majukumu yake kikamilifu.

MALENGO NA UTEKELEZAJI WA KAZI ZA KAWAIDA NA MIRADI YA MAENDELEO KWA KIPINDI CHA MIEZI TISA (JULAI-MACHI) 2014/2015

26.0     Mheshimiwa Spika, katika kipindi cha miezi tisa (Julai- Machi) cha mwaka wa fedha 2014/2015, Ofisi ya Makamu wa Pili wa Rais na Taasisi zake imechukua juhudi kubwa katika kutekeleza malengo iliyojipangia na kufanikiwa kutekeleza yafuatayo:-

Ofisi ya Faragha:

27.0     Mheshimiwa Spika, Ofisi ya Faragha kwa mwaka 2014/2015 imepanga na kutekeleza yafuatayo:-

Malengo:
·       Kuimarisha Ofisi ya Faragha ya Mheshimiwa Makamu wa Pili wa Rais.
·       Kuimarisha makaazi ya Mheshimiwa Makamu wa Plili wa Rais kwa kuzifanyia matengenezo nyumba za Mazizini, Dar-es Salam na Dodoma.
·       Kuratibu ziara 20 za ndani ya nchi na mbili (2) nje ya nchi za Mheshimiwa Makamu wa Pili wa Rais.
·       Kuwajengea uwezo     wafanyakazi    wawili     (2)   wa Idara kwa kuwapatia mafunzo ya muda mrefu na muda  mfupi pamoja na kulipia stahiki za likizo kwa wafanyakazi wanne (4).
·       Kuimarisha  uhusiano  na    ushirikiano      na    nchi na Taasisi mbali mbali za ndani, Kikanda na Kimataifa.

 Utekelezaji:
·       Ofisi ya    Faragha   imeratibu mikutano baina      ya Mheshimiwa Makamu wa Pili wa Rais na Mabalozi, Wanadiplomasia na Wageni mbali mbali kutoka nchi za nje na Mashirika ya Kimataifa.  Mikutano hiyo imezidi kuimarisha uhusiano uliopo baina ya Zanzibar na nchi wanazotoka Wanadiplomasia na Wageni hao.

·       Ofisi imeratibu vikao       vya  mazungumzo   ya upatanishi na utatuzi wa migogoro mbali mbali  ya ardhi. Vikao hivyo vimefanikisha kumaliza mgogoro wa wananchi wa Kiombamvua na Hotel ya Seacliff.

·       Ofisi ya    Faragha   imeratibu ziara 33   za    ndani      za Mheshimiwa  Makamu wa Pili wa Rais.  Ziara 29 zilihusisha Mikoa yote ya Zanzibar na ziara nne (4) kwa Mikoa ya Tanzania Bara.  Madhumuni makuu ya ziara hizo yalikuwa ni kuonana na wananchi, kusikiliza matatizo yao na kukagua shughuli zao za maendeleo.  Aidha, Ofisi imeratibu ziara mbili (2) za nje ya nchi, ziara hizo zilikuwa katika nchi za China na Zambia.

·       Ofisi imeratibu ahadi      23 zilizotolewa Mheshimiwa Makamu wa Pili wa Rais katika mambo mbali mbali, kati ya hizo ahadi tisa (9) tayari zimetekelezwa. Ahadi zilizokuwa hazijatekelezwa zinaendelea kufanyiwa kazi na Taasisi mbali mbali zinazohusika.
28.0     Mheshimiwa Spika, kwa mwaka wa fedha 2014/2015 Baraza lako Tukufu liliidhinisha jumla ya Shilingi 483,116,224 kwa Ofisi ya Faragha. Hadi kufikia Machi, 2015 jumla ya shilingi 449,644,209 zimepatikana na kutumika kwa kazi za kawaida ambazo ni sawa na asilimia 93.

Idara ya Uendeshaji na Utumishi:

29.0     Mheshimiwa Spika, Idara ya Uendeshaji na Utumishi kwa mwaka 2014/2015 imepanga na kutekeleza yafuatayo:-

Malengo:
•   Kuweka mazingira mazuri     ya    kazi  za    Idara       kwa ununuzi wa vifaa vya ofisi, samani pamoja na kulipia gharama za umeme na mawasiliano na utunzaji wa majengo.

•   Kuufanyia     mapitio    Mpango   wa   Mafunzo   ya wafanyakazi pamoja kuandaa utaratibu wa kutathmini utendaji kazi (Staff Appraisal System) na upandishaji vyeo wafanyakazi kwa kufuata Muundo wa Utumishi (Scheme of Service).

•   Kuwajengea  uwezo     wafanyakazi    wa   Ofisi ya Makamu wa Pili wa Rais kwa kuwapatia mafunzo ya muda mrefu na muda mfupi.

•   Kusimamia   matumizi  bora ya    fedha      na    vifaa vya ofisi kwa kuandaa vikao vinne (4) vya Kamati ya Uongozi, Vikao vinne (4) vya Bodi ya Zabuni, vikao vinne vya Kamati ya Ukaguzi wa Ndani na kulifanyia mapitio Daftari la Mali za Serikali (Asset Registry).

Utekelezaji:

•   Jumla   ya    wafanyakazi    38   wamepatiwa    mafunzo ya muda mrefu na muda mfupi katika fani mbali mbali ndani na nje ya nchi ili kuwaongezea ujuzi na maarifa ya kuwawezesha kutekeleza majukumu yao kwa ufanisi zaidi.

•   Idara    imenunua vifaa na    vitendea  kazi  mbali mbali kwa matumizi ya ofisi pamoja na kulipia gharama za uendeshaji wa ofisi kama vile maji, umeme na mawasiliano ya simu na intaneti.

•   Idara    imesimamia     kwa  mafanikio makubwa matumizi bora ya fedha na rasilimali kwa kuandaa vikao vitatu (3) vya Kamati ya Uongozi, Vikao vinne (4) vya Bodi ya Zabuni, vikao vitatu (3) vya Kamati ya Ukaguzi wa Ndani na kulifanyia mapitio Daftari la Mali za Serikali (Asset Registry).

30.0    Mheshimiwa Spika, kwa mwaka wa fedha 2014/2015 Baraza lako Tukufu liliidhinisha jumla ya Shilingi 704,166,316 kwa Idara ya Uendeshaji na Utumishi. Hadi kufikia Machi, 2015 jumla ya Shilingi 584,539,975 zimepatikana na kutumika kwa kazi za kawaida ambazo ni sawa na asilimia 83.

Idara ya Mipango, Sera na Utafiti:

31.0     Mheshimiwa Spika, Idara ya Mipango, Sera na Utafiti kwa mwaka 2014/2015 imepanga na kutekeleza yafuatayo:-

Malengo:

•   Kuratibu       vikao       12   vya  Kamati     ya    Kisekta ya kuidhinisha Tafiti mbali mbali na Vikao vinne (4) vya Kamati ya Taifa ya Kutafiti Rasilimali za Asili.

•   Kuratibu       utekelezaji       wa   Miradi      ya Kupambana na UKIMWI, Kifua Kikuu na Malaria kupitia Mfuko wa Dunia (Global Fund).

•   Kuandaa      Bajeti      na    kutayarisha     Miradi      ya Maendeleo    kwa mwaka wa fedha 2015/2016 na kufanya ziara nne (4) za ufuatiliaji wa utekelezaji wa Programu/ Miradi ya Maendeleo.

•   Kufanya mapitio   ya    Mpango   Mkakati    (SP) 2012-2014 wa Ofisi Makamu wa Pili wa Rais.

•   Kuwajengea  uwezo     wafanyakazi    11   wa   Idara kwa kuwapatia mafunzo ya muda mfupi na wafanyakazi watatu (3) muda mrefu na kulipa stahiki za likizo za wafanyakazi watatu (3).

•   Kwa     kushirikiana     na    COSTECH kuwajengea uwezo watafiti wa Wizara za SMZ kwa kuandaa warsha mbili (2) pamoja na kuweka utaratibu mzuri wa utoaji wa vibali vya utafiti.

Utekelezaji:

•   Idara    imeandaa mafunzo  ya    Bajeti      inayozingatia Programu (PBB) yaliyowashirikisha Wakurugenzi, Wakuu wa Taasisi, Maafisa Mipango na Wahasibu wa Ofisi/Taasisi zilizo chini ya Ofisi ya Makamu wa Pili wa Rais.

•   Idara    imefanya  vikao       vitatu      vya  Kamati     ya Utafiti ya kisekta, vikao hivyo vilipokea na kupitisha maombi 10 ya utafiti.

•   Idara    ilifanya    Semina    huko Pemba,   semina    hiyo ilihusu masuala ya utafiti na iliwashirikisha maofisa utafiti, maafisa Mipango wa Wizara, wakuu wa vituo vya utafiti, NGO‘s zinazojishughulisha na masuala ya utafiti na Vyuo vilivyopo Pemba.

•   Idara    imeandaa Taarifa    za    Utekelezaji      kwa kipindi cha miezi sita (6) Julai - Disemba na taarifa ya Utekelezaji miezi mitatu (Oktoba – Disemba) pamoja na kutayarisha Mpango wa Matumizi wa Muda wa Kati (MTEF) wa Ofisi ya Makamu wa Pili wa Rais.

•   Idara    imeufanyia      mapitio    Mpango   Mkakati    (SP) wa Ofisi ya Makamu wa Pili wa Rais.

32.0        Mheshimiwa Spika, kwa mwaka wa fedha 2014/2015 Baraza lako Tukufu liliidhinisha jumla ya Shilingi 184,007,400 kwa Idara ya Mipango, Sera na Utafiti. Hadi kufikia Machi, 2015 jumla ya Shilingi 134,207,903 zimepatikana na kutumika kwa kazi za kawaida ambazo ni sawa na asilimia 73.

Idara ya Uratibu wa Shughuli za Serikali:

33.0     Mheshimiwa Spika, Idara ya Uratibu wa Shughuli za Serikali kwa mwaka 2014/2015 imepanga na kutekeleza yafuatayo:-

Malengo:
•   Kuwapatia    mafunzo  ya    muda      mrefu      na mfupi wafanyakazi wanne (4) pamoja na kulipia stahiki za likizo kwa wafanyakazi saba (7).
•   Kufuatilia     utekelezaji       wa   Ilani ya    Uchaguzi  ya CCM na kuandaa Taarifa ya Utekelezaji kwa kipindi cha miaka mitano, kuanzia Oktoba, 2010 – Mei, 2015.

•   Kufuatilia     na    kutathmini      utekelezaji       wa Miradi ya Mfuko wa Maendeleo ya Jimbo katika majimbo 50 ya Unguja na Pemba ambayo yamepatiwa fedha.

•   Kusimamia   utekelezaji       wa   Mfuko      wa Maendeleo ya Jamii (TASAF) Awamu ya Tatu kuhusu Mpango wa Kunusuru Kaya Maskini kwa Unguja na Pemba.

•   Kushughulikia      malalamiko      na    migogoro ya wananchi    kwa kushirikiana na sekta husika.

•   Kuratibu       masuala   ya    Muungano.

•   Kuimarisha   Kitengo    cha  ICE  kwa  ununuzi   wa   vifaa kutoa mafunzo kwa watendaji na kusimamia Tovuti ya Serikali.

•   Kufuatilia     mijadala  na    utekelezaji       wa   ahadi za Serikali zinazotolewa katika vikao vya Baraza la Wawakilishi.

•   Kuratibu       vikao       saba (7)   vya  mashirikiano    na vikao   vinne (4) vya Mawaziri na Makatibu Wakuu wa SMZ na SMT na vikao vinne (4) vya Sekreterieti ya Kamati ya Pamoja ya Mambo ya Muungano.
Utekelezaji:

•   Idara    imeandaa Rasimu    ya    Taarifa    ya Utekelezaji wa    Ilani ya Uchaguzi ya CCM kwa kipindi cha miaka mitano (2010-2015).

•   Idara    imefanya  ufuatiliaji wa   utekelezaji       wa Miradi midogo midogo ya wananchi kupitia Mfuko wa Maendeleo ya Jimbo katika Majimbo 32 ya Unguja na kukagua usahihi wa akaunti za mfuko huo katika Majimbo kumi (10) kati ya 18 ya Pemba. Aidha, Idara imefuatilia marejesho ya matumizi ya fedha za Mfuko wa Maendeleo ya Jimbo kwa mwaka 2013/2014. Kufuatia ufuatiliaji huo, jumla ya Majimbo manane (8) yamefanya marejesho hadi kufikia Machi, 2015. Majimbo hayo ni Donge, Kitope, Matemwe, Dimani, Makunduchi, Mtoni, Koani kwa Unguja na Chambani kwa Pemba.

•   Kuhusu masuala   ya    Muungano,      Idara       imeratibu vikao vitano (5) vya mashirikiano baina ya Wizara za SMZ na SMT. Vikao hivyo ni  baina ya Kamati ya Wanasheria Wakuu wa SMT na SMZ; Wizara ya Ardhi, Makaazi, Maji na Nishati SMZ na Wizara ya Nishati na Madini SMT; Ofisi ya Rais, Kazi na Utumishi wa Umma SMZ na Ofisi ya Rais, Menejimenti ya Utumishi wa Umma SMT; Wizara ya Mifugo na Uvuvi SMZ na Wizara ya Maendeleo ya Mifugo na Uvuvi SMT; na Wizara za Fedha za SMZ na SMT. Aidha, Ofisi imeratibu vikao vinne (4) vya Sekretarieti ya mambo ya Muungano.

•   Idara    imesimamia     utekelezaji       wa   Mpango   wa TASAF III wa Kunusuru Kaya Masikini. Mpango huo umefanikiwa kutekeleza kazi zifuatazo:-

i.             Imefanikisha zoezi la kuibua miradi ya kutoa ajira ya muda kwa kaya maskini na kuanza utekelezaji wa miradi hiyo katika Shehia 40 za awali kwa Unguja na Pemba.
ii.           Imeandaa mikutano kwa wajumbe 76 wa Kamati za Uongozi na Kamati za Usimamizi wa Mpango wa TASAF III kwa Unguja na Pemba kwa lengo la kuwapatia uelewa wajumbe hao kuhusu utekelezaji wa Mpango wa Kunusuru Kaya Masikini  pamoja na taarifa za Mpango Kazi zilizoandaliwa.

iii.         Usanifu wa miradi ya kutoa ajira ya muda kwa kaya masikini umefanyika. Jumla ya miradi 77 (Unguja 33 na Pemba 44) imefanyiwa usanifu na imetekelezwa katika siku 60 za mwaka wa kwanza. Miradi hiyo inahusiana na vitalu vya miti ya matunda na misitu, upandaji wa miti ya mikoko, barabara za ndani, usafi wa mazingira na ujenzi wa tuta la kuzuwia maji ya bahari. Jumla ya Shilingi 649,735,200 (Unguja 228,224,400 na Pemba 421,510,800) zimelipwa kwa kaya masikini 6,598 (Unguja 2,432 na Pemba 4,166) kwa miezi mitatu ya Disemba, Januari na Febuari.  Aidha, kaya hizo masikini zimelipwa ruzuku ya msingi na masharti ya jumla ya Shilingi 1,115,393,537 (Unguja 404,863,884 na Pemba 710,529,653) katika kipindi cha miezi tisa (Julai-Machi).

iv. Uibuaji wa kaya masikini katika Shehia 90 (Unguja 58 na Pemba 32) kwa ajili ya kufanyiwa Tathmini ya Matokeo (Impact Evaluation) chini ya Mpango wa Kunusuru Kaya Masikini umefanyika. Tathmini hiyo inafanyika kwa mashirikiano baina ya Ofisi ya Mtakwimu Mkuu wa Serikali na TASAF Makao Makuu.

iv.         Uandikishaji wa Kaya Masikini katika Shehia 51 mpya (Unguja Shehia 34 na Pemba Shehia 17) umefanyika. Jumla ya Shehia 103 mpya (Unguja 68 na Pemba 35) zinatarajiwa kuingizwa katika Mpango wa Kunusuru Kaya Masikini kuanzia mwaka huu wa 2015.

•   Idara    ya    Uratibu,   imekiimarisha  Kitengo    cha Habari, Mawasiliano na Elimu (ICE) kwa kuwapatia mafunzo maafisa wanne wa kitengo hicho na kupatiwa vifaa, ikiwemo kompyuta. Hili limefanyika kwa mashirikiano na UNDP kupitia Mradi wa Kujenga Uwezo wa Taasisi za Viongozi Wakuu wa SMZ.

•   Idara    imeendelea     kuratibu   utekelezaji       wa ahadi za Viongozi Wakuu wa Kitaifa zilizotolewa katika maeneo mbali mbali ya Unguja na Pemba wakati wa ziara zilizofanywa na viongozi hao. Jumla ya ahadi 14 zimeratibiwa. Kati ya hizo, ahadi nane (8) zimeshatekelezwa na sita (6) zinaendelea na hatua ya kutekelezwa.

•   Idara    imeshughulikia jumla      ya    malalamiko      26 kwa kushirikiana na sekta husika. Malalamiko hayo yanahusiana na ardhi (15) na mambo mengine (11).

34.0     Mheshimiwa Spika, kwa mwaka wa fedha 2014/2015 Baraza lako Tukufu liliidhinisha jumla ya Shilingi 344,638,000 kwa Idara ya Uratibu wa Shughuli za Serikali. Hadi kufikia Machi, 2015 jumla ya Shilingi 231,909,954  zimepatikana na kutumika kwa kazi za kawaida ambazo ni sawa na asilimia 67.

Idara ya Uratibu Dar es Salaam:

35.0        Mheshimiwa Spika, Idara ya Uratibu Dar es Salaam kwa mwaka 2014/2015 imepanga na kutekeleza yafuatayo:-

Malengo:
•   Kuweka mazingira mazuri     ya    kazi  za    Idara       kwa ununuzi wa vifaa vya ofisi na samani.

•   Kuwapatia    mafunzo  wafanyakazi    watatu     (3)   wa Idara  pamoja na kulipa stahiki za likizo kwa wafanyakazi tisa (9).

•   Kuandaa      muundo   mpya      wa   kitaasisi   na kiutumishi   wa Idara utakaoleta ufanisi na tija.

•   Kuimarisha   mashirikiano    baina      ya    Idara       na Taasisi za SMZ na za SMT, Ofisi za Kibalozi na Taasisi za Kimataifa

Utekelezaji:

•   Idara    imeshiriki mkutano  wa   wadau     wa uhamasishaji     wa Mpango wa Utekelezaji wa Viwanda vya Madawa kwa Jumuiya ya Afrika Mashariki.

•   Idara    imeshiriki katika      kikao       cha  maandalizi ya majadiliano baina ya Serikali ya Tanzania na Japan kuhusu ufadhili wa miradi ya maendeleo kwa mwaka 2015/2016.

•   Idara    imeanza   maandalizi      ya    kuandaa  muundo mpya wa Kitaasisi na Kiutumishi wa Idara.

•   Idara    imenunua vifaa vya  kutendea kazi, kulipia huduma za ofisi (maji, umeme, mawasiliano) na kulipia stahiki za likizo za wafanyakazi tisa (9).

36.0     Mheshimiwa Spika, kwa mwaka wa fedha 2014/2015 Baraza lako Tukufu liliidhinisha jumla ya Shilingi 353,178,160 kwa Idara ya Uratibu, Dar es Salaam. Hadi kufikia Machi, 2015 jumla ya Shilingi 181,504,731 zimepatikana na kutumika kwa kazi za kawaida ambazo ni sawa na asilimia 51.

Idara ya Kukabiliana na Maafa:

37.0      Mheshimiwa Spika, Idara ya Kukabiliana na Maafa kwa mwaka 2014/2015 imepanga na kutekeleza yafuatayo:-

Malengo:
•   Kujenga       uwezo    kwa  jamii katika      kukabiliana      na majanga na maafa kwa shehia 10.

•   Kuyafanyia   matengenezo   maghala  mawili     (2)   na kununua vifaa vya kukabiliana na maafa Unguja na Pemba.

•   Kukamilisha  Sheria     ya    Kukabiliana     na    Maafa.

•   Idara    kwa  Kushirikiana     na    Washirika wa  
 Maendeleo (USAFRICOM, Benki ya Dunia na Kamisheni ya Bahari ya Hindi) itaendesha mafunzo mbali mbali ya kukabiliana na maafa kwa watendaji na wadau pamoja na kuendesha mazoezi mawili (2) (Simulation Exercise) ya kukabiliana na maafa.

•   Kuwapatia    mafunzo  ya    muda      mrefu      na mfupi wafanyakazi wanne (4) na kulipa stahiki za likizo kwa wafanyakazi sita (6).

Utekelezaji:
•   Idara    imeendesha     zoezi la     Kimataifa la Kukabiliana  na Maafa (Simulation Exercise) lililoshirikisha wadau mbali mbali ambapo  jumla ya watu 100 wameshiriki katika zoezi hilo.

•   Idara    imejenga uwezo     kwa  jamii katika kukabiliana na maafa na namna ya kupunguza athari zake kwa kutoa mafunzo kwa Shehia 30 kwa Wilaya za Mjini, Magharibi, na Kaskazini “A” kwa Unguja na Wilaya ya Chake Chake kwa Pemba.  Aidha, Idara imetoa elimu kupitia vipindi vya  redio katika Shirika la Utangazaji  Zanzibar na kuunda Kamati za Maafa kwa Shehia zilizopatiwa mafunzo.

•   Idara    imetoa     mafunzo  ya    kujikinga  na Kukabiliana na   Maafa kwa  walimu 265 wa Skuli za Serikali na Binafsi wa Wilaya za Mjini, Magharibi na Kaskazini ‘A’ kwa Unguja na Wilaya ya Wete na Micheweni kwa Pemba.

•   Idara    imefanya  tathmini   na    uchambuzi      wa   awali wa hali ya maafa kwa Shehia 30 katika Wilaya za Kaskazini ‘B’ na Kati kwa Unguja na Wilaya za Chake Chake na Wete kwa Pemba.

•   Idara    imeendesha     semina    ya    siku  moja ya Kujikinga   na kukabiliana na maafa kwa Viongozi 50 wa Vyama vya Siasa 22 vilivyosajiliwa.

•   Idara    imesambaza    Kitabu     cha  Nyenzo    za Usimamiaji  na Ufuatiliaji wa Sera ya Kukabiliana na Maafa kwa wadau mbali mbali wa Maafa kwa Unguja na Pemba.

•   Idara    imezifanyia      matengenezo   makubwa ghala za kuhifadhia vifaa vya Kukabiliana na Maafa Unguja na Pemba.

•   Idara    imesambaza    Mkakati    wa   Ufuatiliaji Rasilimali za Kukabiliana na Maafa kwa wadau mbali mbali wa Maafa Unguja na Pemba.

•   Idara    imefanya  mkutano  wa   Kitaifa     (Platform) uliowashirikisha wadau mbali mbali wa maafa.

•   Idara    imekamilisha   utayarishaji     wa   Sheria mpya ya Kukabiliana na Maafa.

38.0     Mheshimiwa Spika, kwa mwaka wa fedha 2014/2015 Baraza lako Tukufu liliidhinisha jumla ya Shilingi 298,447,800 kwa Idara ya Kukabiliana na Maafa. Hadi kufikia Machi, 2015 jumla ya Shilingi 196,518,500 zimepatikana na kutumika kwa kazi za kawaida ambazo ni sawa na asilimia 66.

Idara ya Sherehe na Maadhimisho ya Kitaifa:

39.0      Mheshimiwa Spika, Idara ya Sherehe na Maadhimisho ya Kitaifa kwa mwaka 2014/2015 imepanga na kutekeleza yafuatayo:-

Malengo:
•   Kuratibu       na    kusimamia      Sherehe   za    Miaka 51 ya Mapinduzi Matukufu ya Zanzibar.

•   Kuwapatia    mafunzo  ya    muda      mrefu      na mfupi wafanyakazi wawili pamoja na kulipa stahiki za likizo kwa wafanyakazi wawili (2).

•   Kuratibu       Sherehe   za    Miaka      51   ya Muungano wa Tanganyika na Zanzibar na ushiriki wa Viongozi na wananchi wa Zanzibar katika Sherehe za Miaka 53 za Uhuru wa Tanganyika kwa kushirikiana na Ofisi ya Waziri Mkuu.
•   Kuifanyia      mapitio    Sheria     namba     10   ya    2002 ya Kuwaenzi Viongozi pamoja na mambo yanayohusiana nayo.

•   Kuendelea    kukusanya       na    kutunza   kumbukumbu za Marehemu Sheikh Abeid Amani Karume.
•   Kuratibu       Hitma      na    Dua  ya    Marehemu Sheikh Abeid  Amani Karume (Siku ya Mashujaa).

Utekelezaji:

•   Idara    imeratibu Sherehe   za    Miaka      51   ya Mapinduzi    Matukufu ya Zanzibar kwa mafanikio makubwa.  Aidha, Ofisi imesimamia kilele cha sherehe hizo zilizofanyika tarehe 12 Januari, 2015, Uwanja wa Amaan.

•   Idara    kwa  kushirikiana     na    Jeshi       la     Wananchi wa Tanzania imeanza maandalizi ya kujenga kaburi la Marehemu Sheikh Idris Abdulwakil huko Makunduchi na kufanya matengenezo ya kaburi la Marehemu Sheikh Abeid Amani Karume hapo Kisiwandui.

•   Idara    imeratibu maandalizi ya Sherehe   za miaka 51 ya    Muungano wa Tanganyika na Zanzibar za tarehe 26 Aprili, 2015, Dar es Salaam.

•   Idara    imeratibu maandalizi ya maadhimisho   ya Siku ya Mashujaa Zanzibar (Karume Day) ya tarehe 7 Aprili, 2015.

40.0    Mheshimiwa Spika, kwa mwaka wa fedha 2014/2015 Baraza lako Tukufu liliidhinisha jumla ya Shilingi 871,615,500 kwa Idara ya Sherehe na Maadhimisho ya Kitaifa. Hadi kufikia Machi, 2015 jumla ya Shilingi 1,358,989,917 zimepatikana na kutumika kwa kazi za kawaida ambazo ni sawa na asilimia 156.

Idara ya Upigaji Chapa na Mpiga chapa Mkuu wa Serikali:

41.0      Mheshimiwa Spika, Idara ya Upigaji Chapa na Mpiga Chapa Mkuu wa Serikali, kwa mwaka 2014/2015 imepanga na kutekeleza yafuatayo:-

Malengo:
•   Kuweka mazingira mazuri ya kazi  za Idara kwa ununuzi wa vifaa vya ofisi na samani.

•   Kuwapatia    mafunzo  ya muda mrefu na mfupi wafanyakazi watano (5) na kulipa stahiki za likizo kwa wafanyakazi saba (7).

•   Kutoa   huduma za Uchapishaji nyaraka na Sheria za Serikali.

•   Kutangaza    huduma za Kiwanda kwa  ajili  ya kuongeza idadi ya wateja na mapato.

•   Kukamilisha  utaratibu wa kuanzisha Bohari kuu  ya Serikali ya Vifaa vya Ofisi.

Utekelezaji:

•   Idara imetayarisha Rasimu  ya Sheria inayokipa mamlaka Kiwanda cha Upigaji chapa iwe Taasisi inayojitegemea.

•   Idara imenunua vitendea  kazi na kulipia huduma za ofisi zikiwemo maji, umeme, mawasiliano na kulipa stahiki za likizo kwa wafanyakazi saba (7).

•   Idara    kupitia     Kiwanda  cha  Upigaji    chapa imefanikiwa    kuchapisha nyaraka na machapisho mbali mbali ya Serikali kama vile Gazeti Rasmi la Serikali, Miswaada ya Sheria, Sheria na machapisho mengine yaliyowasilishwa kiwandani kwa mujibu wa mahitaji ya Taasisi husika.

•   Idara imeendelea na zoezi la kuzihamisha Nyaraka zilizoko Saateni katika jengo la zamani la Kiwanda cha Uchapaji  na kuzipeleka  Maruhubi. Nyaraka zote zimehifadhiwa vizuri na ziko salama.

42.0  Mheshimiwa Spika, kwa mwaka wa fedha 2014/2015 Baraza lako Tukufu liliidhinisha jumla ya Shilingi 482,066,600 kwa Idara ya Upigaji Chapa na Mpiga Chapa Mkuu wa Serikali. Hadi kufikia Machi, 2015 jumla ya Shilingi 392,018,845 zimepatikana na kutumika kwa kazi za kawaida ambazo ni sawa na asilimia 81.

Baraza la Wawakilishi:

43.0     Mheshimiwa Spika, Baraza la Wawakilishi kwa mwaka 2014/2015 limepanga na kutekeleza yafuatayo:-

Malengo:

•   Kujenga       mazingira mazuri     kwa  kuwezesha      kufanyika kwa mikutano minne (4) ya Baraza la Wawakilishi pamoja na kazi za Kamati katika kufuatilia shughuli za Serikali na kusimamia uwajibikaji wake.

•   Kutoa   mafunzo  ya    kuongeza uwezo     wa   kitaalamu kwa    Wajumbe na wafanyakazi wa Baraza.

•   Kutoa   taaluma   kwa  wananchi kuhusu    utendaji   wa shughuli za Baraza kupitia Vyombo vya Habari.

•   Kuimarisha   mahusiano      kati  ya    Baraza     na Mabunge mengine ya Umoja wa Mabunge ya Jumuiya ya Madola.

Utekelezaji:
•   Baraza  la     Wawakilishi     limefanya mikutano mitatu ambayo ni mkutano wa 17, 18 na 19. Katika mikutano hiyo jumla ya Miswada 12 iliwasilishwa, kujadiliwa na kupitishwa.  Jumla ya maswali ya misingi 169 na nyongeza 398 yaliulizwa na kujibiwa na waheshimiwa Mawaziri.  

•   Kamati  za    Kudumu   za    Baraza     la     Wawakilishi zilifanya kazi zake za kuisimamia Serikali na kufuatilia utekelezaji wa shughuli za Serikali na kuwasilisha ripoti zao katika Mkutano wa 19 wa Baraza la Wawakilishi ambapo zilipokelewa na kujadiliwa. Aidha, Serikali kupitia kila Wizara iliwasilisha ripoti za utekelezaji wa maagizo ya Kamati za Baraza yaliyotokana na ripoti za Kamati za Kudumu za mwaka 2013/2014.

•   Baraza  lilipokea   ripoti       ya    Kamati     Teule      ya Kuchunguza    Upotevu wa Nyaraka za Serikali ambayo ilijadiliwa na Baraza kutoa ushauri na maagizo kwa Serikali.

•   Ofisi     ya    Baraza     imefanya  semina    kwa  asasi za kiraia,    waandishi wa habari pamoja na wafanyakazi wa Baraza juu ya taratibu za ushirikishwaji wa wadau katika kazi za Kamati za Baraza.

•   Wanasheria  saba (7)   wa   Baraza     wamepatiwa mafunzo     ya siku tano (5) kuhusu uandishi na kutafsiri sheria. Mafunzo hayo yalitolewa kupitia Taasisi ya Sheria ya Kimataifa ya Uganda.
•   Ofisi     ya    Baraza     kwa  kushirikiana     na    Shirika la Utangazji Zanzibar (Redio na TV) linaendelea kurusha moja kwa moja (live) vikao vya Baraza la Wawakilishi. Aidha, Baraza limekuwa likitoa taaluma kwa umma kupitia kipindi chake cha LIJUE BARAZA LA WAWAKILISHI kipindi ambacho pia hurushwa kupitia Shirika hilo.

44.0     Mheshimiwa Spika, kwa mwaka wa fedha 2014/2015 Baraza lako Tukufu liliidhinisha jumla ya Shilingi 14,564,000,000 kwa Baraza la Wawakilishi. Hadi kufikia Machi, 2015 jumla ya Shilingi 13,954,901,100 zimepatikana na kutumika kwa kazi za kawaida ambazo ni sawa na asilimia 95.

Tume ya Uchaguzi ya Zanzibar:

45.0      Mheshimiwa Spika, Aidha, Ofisi ya Makamu wa Pili wa Rais kupitia Tume ya Uchaguzi ya Zanzibar kwa mwaka 2014/2015 imepanga na kutekeleza yafuatayo:-

Malengo:

•   Kuweka mazingira mazuri     ya    kazi  za    Tume      kwa ununuzi wa vifaa vya Ofisi na samani.

•   Kuwajengea  uwezo     wafanyakazi    watatu     (3)   kwa kuwapatia mafunzo ya muda mrefu na wafanyakazi 15 mafunzo ya muda mfupi pamoja na kulipa stahiki za likizo kwa wafanyakazi sita.

•   Kuendeleza   Daftari     la     Kudumu   la     Wapiga Kura.

•   Kufanya uchunguzi wa idadi,      majina     na    mipaka kwa    Majimbo yote 50 ya Uchaguzi.

•   Kusimamia   na    kuendesha      Kura ya    Maoni      ya Kuthibitisha Katiba Inayopendekezwa.

•   Kufanya matayarisho    ya    jumla      ya    Uchaguzi Mkuu wa  mwaka 2015.

Utekelezaji:

•   Tume   ya    Uchaguzi, imefanya  matengenezo   makubwa ya Ofisi ya Wilaya ya Mjini kwa kuweka ukuta wa kizuizi na matengenezo ya ukumbi wa mkutano. Kwa upande wa Pemba, Tume imefanya matengenezo makubwa ya Ofisi ya Wilaya ya Wete pamoja na kununua vifaa na samani kwa ajili ya Ofisi zote mbili.

•   Tume   ya    Uchaguzi  imefanya  mapitio    ya    Kanuni, miongozo na maadili mbali mbali ya uendeshaji na usimamizi wa shughuli za uchaguzi. Miongozo hiyo ni kama vile: Maadili ya Vyama vya Siasa, Maadili ya Waangalizi wa Uchaguzi na Muongozo wa Uteuzi kwa Wagombea.
•   Tume   ya    Uchaguzi  inaendelea      na    kazi  za matayarisho ya vielelezo vya kutoa elimu ya wapiga kura. Aidha, Tume imekamilisha muongozo kwa ajili ya kutoa elimu ya Wapiga Kura kwa Asasi na Taasisi ambazo zinataka kutoa elimu hiyo.

•   Tume   ya    Uchaguzi  inaendelea      na    maandalizi ya Uchaguzi Mkuu wa Mwaka 2015. Katika maandalizi hayo Tume ilikutana na Vyama vya Siasa na wadau wa uchaguzi Unguja na Pemba. Katika mikutano hiyo, mambo mbali mbali kuhusu Uchaguzi Mkuu yalijadiliwa. Pia Tume ilitangaza rasmi ratiba ya Uchaguzi Mkuu.

•   Tume   ya    Uchaguzi  inaendelea      na    kazi  ya mapitio       ya Idadi, mipaka na majina ya majimbo ya uchaguzi na inatarajia kutangaza majina na mipaka mipya ya majimbo hayo baada ya kazi hiyo kukamilika.

•   Tume   ya    Uchaguzi        imekamilisha   Kanuni     za Kura    ya    Maoni na miongozo ya utoaji wa elimu ya uraia na elimu ya Wapiga Kura. Aidha, Tume imetoa vibali  kwa asasi za kiraia 61 kati ya asasi 75 zilizoomba kutoa elimu ya uraia  kwa Zanzibar.

•   Tume   ya    Uchaguzi  imekamilisha   uandaaji  wa Mpango     wa Manunuzi ya Vifaa (Procurement Plan) kwa ajili ya Uchaguzi Mkuu. Tume inatarajia kutangaza zabuni ya ununuzi wa  vifaa hivyo katika Mwezi wa Mei, 2015.

•   Tume   ya    Uchaguzi  imefanya  mapitio    ya    Sheria ya
Kura      ya Maoni ya mwaka 2010 ili kurahisisha utekelezaji  wake.

•   Tume   kwa  kushirikiana     na    “UN  Women”,  imeandaa rasimu ya Sera ya Ushirikishwaji wa Makundi Maalum katika Uchaguzi (Gender Mainstreaming and Social Inclusion Policy).

•   Tume   imefanya  uchambuzi      yakinifu   wa   mifumo ya    uandikishaji wa Wapiga Kura pamoja na vifaa vya uandikishaji wa Wapiga Kura.

•   Tume   imeandaa Mpango   wa   Utekelezaji,     Ratiba ya Uchaguzi pamoja na Bajeti kwa ajili ya Uchaguzi Mkuu wa mwaka 2015.

•   Tume   imewapatia     watendaji        wake       sita  (6) ziara  ya    mafunzo ya siku tatu (3) nchini Kenya kwa ajili ya kujifunza masuala ya uendeshaji wa  uchaguzi.

•   Tume   ya    Uchaguzi  imewapatia     mafunzo  watendaji wa Kitengo cha IT ili kuwajengea uwezo wa kutoa huduma kitaalamu. Aidha, maandalizi yameanza ya kutengeneza upya Tovuti ya Tume pamoja na kuweka taarifa mbali mbali zinazohusiana na uchaguzi.

46.0     Mheshimiwa Spika, kwa mwaka wa fedha 2014/2015 Baraza lako Tukufu liliidhinisha jumla ya Shilingi 1,314,100,000 kwa Tume ya Uchaguzi ya Zanzibar. Hadi kufikia Machi, 2015 jumla ya Shilingi 1,229,926,569 zimepatikana na kutumika kwa kazi za kawaida ambazo ni sawa na asilimia 94.

Utekelezaji Kifedha:

47.0      Mheshimiwa Spika, katika kipindi cha Miezi Tisa (Julai-Machi 2014/2015), Ofisi ya Makamu wa Pili wa Rais ilipanga kutumia jumla ya Shilingi 4,110,200,000 kwa kazi za kawaida. Fedha zilizopatikana na kutumika ni shilingi 3,801,401,484 sawa na asilimia 92.  Angalia Kiambatisho Nam.1. Aidha, kwa upande wa Miradi ya maendeleo Ofisi ilipanga kutumia jumla ya Shilingi 90,000,000 na hadi kufikia mwezi Machi jumla ya Shilingi 45,000,000 zimepatikana na kutumika sawa na asilimia 50 ya fedha zilizopangwa. Angalia Kiambatisho Nam. 2

48.0      Mheshimiwa Spika, Baraza la Wawakilishi katika kipindi hicho ilipanga kutumia Shilingi 14,564,000,000 kwa kazi za kawaida na fedha zilizopatikana ni Shilingi 13,954,901,100 sawa na asilimia 96. Angalia Kiambatisho Nam. 1.

49.0      Mheshimiwa Spika, Tume ya Uchaguzi Zanzibar katika kipindi cha Miezi Tisa (Julai -Machi) 2014/2015 ilipanga kutumia Shilingi 1,314,100,000 kwa kazi za kawaida na Fedha zilizopatikana ni Shilingi 1,229,926,569 sawa na asilimia 94. Angalia Kiambatisho Nam. 1.

Ukusanyaji wa mapato:

50.0      Mheshimiwa Spika, Ofisi ya Makamu wa Pili wa Rais   inakusanya mapato kutoka katika Idara ya Upigaji Chapa na Mpiga Chapa Mkuu wa Serikali, Idara ya Sherehe na Maadhimisho ya Kitaifa na Idara ya Uendeshaji na Utumishi. Katika kipindi cha Miezi Tisa (Julai- Machi 2014/2015), Idara ya Upigaji Chapa na Mpiga Chapa Mkuu wa Serikali ilipangiwa kukusanya jumla ya Shilingi 450,000,000. Hadi kufikia Mwezi Machi, 2014 Ofisi imekusanya jumla ya Shilingi 295,903,000 sawa na asilimia 66 ya lengo.  Aidha, kwa upande wa Idara ya Sherehe na Maadhimisho ya Kitaifa ilipangiwa kukusanya jumla ya Shilingi 2,250,000.  Hadi kufikia mwezi wa Machi, 2015 imekusanya Shillingi 11,940,000 sawa na asilimia 530. Kwa upande wa Idara ya Uendeshaji na Utumishi ilipangiwa kukusanya Shilingi 3,750,000 ikiwa ni  makusanyo ya kodi ya ukumbi wa jengo la zamani la Baraza la Wawakilishi. Hadi kufikia mwezi wa Machi, 2015, hakukuwa na fedha yoyote iliyokusanywa. Hali hii imetokana na ukumbi huo kukosa kukodishwa kwa vile uko katika hali isiyoridhisha na unahitaji matengenezo makubwa na kuwekwa vifaa vya kisasa. Angalia Kiambatisho Nam. 3


BAJETI KWA MWAKA WA FEDHA 2015/2016

51.0     Mheshimiwa Spika, Serikali inaendelea kufanya mageuzi ya bajeti ikiwa ni sehemu ya mageuzi ya utawala na udhibiti wa fedha za umma. Kwa mwaka huu wa fedha 2015/2016 Serikali imetoka katika mfumo wa bajeti unaotumia vifungu (line item) na kwenda katika Mfumo wa Bajeti unaotumia Programu.

52.0      Mheshimiwa Spika, Ofisi ya Makamu wa Pili wa Rais na Taasisi zake ina Programu nane (8) na program ndogo 13  zinazohusisha malengo, na matokeo yanayotarajiwa kupatikana katika program na program ndogo kama ifuatavyo:-

Programu ya Kwanza (C011):
Uratibu wa Shughuli za Makamu wa Pili wa Rais:
      
53.0      Mheshimiwa Spika, lengo la Program hii ni kuimarisha utendaji wa kazi kwa Ofisi ya Faragha ya Makamu wa Pili wa Rais.  Matokeo yanayotarajiwa ni kuimarika kwa Ofisi hii na kutoa huduma bora kwa Mheshimiwa Makamu wa Pili wa Rais. Huduma inayotolewa katika Ofisi ya Faragha ni kuratibu kazi mbali mbali za Mheshimiwa Makamu wa Pili wa Rais ikiwemo ziara za ndani na nje ya nchi, mikutano na Mabalozi wa nchi mbali mbali, Wawakilishi wa Mashirika ya Kitaifa na Kimataifa na mikutano mbali mbali na wananchi kusikiliza kero na malalamiko yao. Programu hii inatekeleza lengo la tatu katika klasta ya tatu ya MKUZA II inayohakikisha ushirikishwaji wa wananchi katika Utawala wa Kidemokrasia. Programu hii inatekelezwa na Ofisi ya Faragha ya Makamu wa Pili wa Rais.

Programu ya Pili (C012):
Uratibu wa shughuli za Serikali:

54.0    Mheshimiwa Spika, Program hii lengo lake kubwa ni kuweka mfumo imara na endelevu kwa Uratibu wa Shughuli za Serikali. Programu hii inatekeleza lengo la tatu katika klasta ya tatu ya MKUZA II la kuhakikisha ushirikishwaji wa wananchi katika utawala wa kidemokrasia. Aidha, Programu hii ina programu ndogo tatu zifuatazo:-

i. Programu Ndogo (C0121): Uratibu wa Shughuli za Kukabiliana na Maafa.

55.0      Mheshimiwa Spika, Programu hii ndogo lengo lake kuu ni kujenga uhimili kwa jamii katika kukabiliana na maafa. Matokeo yanayotarajiwa ni kutoa huduma bora kabla, wakati na baada ya maafa. Huduma inayotolewa ni Uratibu wa Shughuli mbali mbali za kukabiliana na maafa ikiwemo kutoa mafunzo kwa jamii, kuwahudumia waathirika wa majanga na maafa na kuandaa na kutoa miongozo mbali mbali inayosimamia utekelezaji wa kazi za maafa. Programu hii ndogo inatekelezwa na Idara ya Kukabiliana na Maafa.

ii. Programu Ndogo (C0122): Uratibu wa Shughuli za Sherehe na Maadhimisho ya Kitaifa pamoja na Kuwaenzi Viongozi wa Kitaifa.

56.0    Mheshimiwa Spika, Programu hii ndogo lengo lake ni kuwa na sherehe zenye hadhi na kudumisha historia na kumbukumbu za Viongozi Wakuu wa Kitaifa. Matokeo yanayotarajiwa ni ubora na ufanisi wa sherehe na maadhimisho ya kitaifa na kuwa na kumbukumbu zenye kuelezea historia za Viongozi Wakuu wa Kitaifa. Huduma inayotolewa ni Uratibu wa shughuli za Sherehe na Maadhimisho ya Kitaifa pamoja na Kuwaenzi Viongozi wa Kitaifa.  Programu hii ndogo inatekelezwa na Idara ya Sherehe na Maadhimisho ya Kitaifa.

  iii. Programu ndogo (C0123): Shughuli za Serikali ya Mapinduzi ya Zanzibar (SMZ).

57.0      Mheshimiwa Spika, lengo kuu la Programu hii ndogo ni kuimarika kwa utekelezaji wa shuguli za Serikali ya Mapinduzi ya Zanzibar, mambo ya Muungano na Uratibu wa Shughuli za Serikali, Dar es Salaam kupitia sekta mbali mbali. Matokeo yanayotarajiwa ni kuwa na utekelezaji wa ufanisi kwa malengo ya Serikali. Huduma inayotolewa ni Uratibu wa Shughuli za Serikali (SMZ) ikiwemo kukusanya taarifa za utekelezaji wa shughuli za Serikali. Programu hii ndogo inatekelezwa na Idara ya Uratibu wa Shughuli za Serikali Zanzibar na Idara ya Uratibu wa Shughuli za Serikali Dar es Salaam.

Programu ya Tatu (C013): Usimamizi wa Shughuli za Upigaji Chapa.

58.0     Mheshimiwa Spika, lengo kuu la Progrmu hii ni kuimarisha huduma za upigaji chapa. Matokeo yanayotarajiwa ni kutoa machapisho bora na kwa wakati. Kiwanda cha Upigaji Chapa kinatoa huduma za kuchapisha nyaraka mbalimbali za Serikali zikiwemo Hotuba za Bajeti za Wizara mbali mbali, vyeti vya kuzaliwa, Gazeti Rasmi la Serikali, Miswada ya Sheria na Sheria na Machapisho mengine. Programu hii inatekeleza lengo la Tatu katika klasta ya Tatu ya MKUZA II la kuhakikisha uimarishaji wa Demokrasia na Utawala bora. Programu hii inatekelezwa na Idara ya Mpiga Chapa Mkuu wa Serikali.

Programu ya Nne (C014): Mipango na Utawala.

59.0        Mheshimiwa Spika, lengo la Programu hii ni kuimarisha mazingira bora ya wafanyakazi na usimamizi wa shughuli za Ofisi. Matokeo yake ni kuimarika kwa utendaji kazi na kutoa huduma bora kwa wafanyakazi na wadau mbali mbali wa Ofisi hii. Programu hii itatekeleza lengo la tatu katika klasta ya tatu ya MKUZA II la kuimarisha utawala wa sheria wenye kuheshimu haki za binaadamu na upatikanaji wa haki za sheria. Programu hii ina Programu ndogo tatu (3) zifuatazo:-

i. Programu ndogo (C0141): Uongozi na Utawala.

60.0     Mheshimiwa Spika, Programu hii ndogo ina lengo la kuimarisha na kusimamia utendaji kazi katika Ofisi ya Makamu wa Pili wa Rais. Matokeo yanayotarajiwa ni matumizi bora ya rasilimali, wafanyakazi wenye ujuzi na uzoefu na ufanisi katika utendaji kazi.  Huduma zinazotolewa ni kutoa huduma za Utumishi na Uendeshaji, ikiwemo stahiki mbali mbali na kuwapatia mafunzo na vitendea kazi wafanyakazi. Programu hii ndogo inatekelezwa na Idara ya Uendeshaji na Utumishi.

ii. Programu ndogo (C0142): Mipango, Sera na Utafiti.

61.0        Mheshimiwa Spika, Programu hii ndogo ina lengo la kuandaa na kusimamia utekelezaji wa Mipango na Bajeti na kufuatilia utekelezaji wa Program/Miradi ya Maendeleo ya Ofisi ya Makamu wa Pili wa Rais. Matokeo yanayotarajiwa ni kuwa na mipango endelevu na yenye kuleta maendeleo. Huduma inayotolewa ni kuratibu uandaaji na kusimamia utekelezaji wa mipango, sera na bajeti. Programu hii ndogo inatekelezwa na Idara ya Mipango Sera na Utafiti.

iii. Programu ndogo (C0143): Ofisi Kuu Pemba.

62.0        Mheshimiwa Spika, lengo kuu la Program hii ndogo ni kuimarisha mazingira bora ya kufanyia kazi na usimamizi wa shughuli za Ofisi ya Makamu wa Pili wa Rais Pemba. Matokeo yanayotarajiwa ni utendaji na utekelezaji wa kazi za Ofisi ya Makamu wa Pili wa Rais Pemba kwa ufanisi. Huduma inayotolewa ni kuratibu kazi zote za Ofisi ya Makamu wa Pili wa Rais, Pemba.

63.0      Mheshimiwa Spika, vile vile Ofisi ya Makamu wa Pili wa Rais inaratibu shughuli za Baraza la Wawakilishi na Tume ya Uchaguzi ambazo nazo zina Programu Kuu na Programu Ndogo kama ifuatavyo:-


Baraza la Wawakilishi:

64.0       Mheshimiwa Spika, Baraza la Wawakilishi lina Program mbili (2)

Programu ya kwanza (C021): Kutunga Sheria, kupitisha Bajeti na kusimamia Taasisi za Serikali:

65.0     Mheshimiwa Spika, lengo la Programu hii ni kuhakikisha haki na utawala wa sheria unatelekelezwa Zanzibar. Matokeo yanayotarajiwa ni kukua kwa demokrasia na uwakilishi wa wananchi. Programu hii itatekeleza lengo la tatu katika klasta ya tatu ya MKUZA II la kuimarisha utawala wa sheria wenye kuheshimu haki za binaadamu na upatikanaji wa haki za sheria. Huduma zinazotolewa ni kujadili, kurekebisha na kupitisha miswada ya Sheria, kusimamia utendaji wa taasisi za Serikali na kupitisha bajeti ya Serikali.

Programu ya Pili (C022): Uongozi na Utawala wa Baraza la Wawakilishi:

66.0     Mheshimiwa Spika, lengo la Programu hii ni kuweka mazingira mazuri ya kazi, kuwajengea uwezo Wajumbe wa Baraza la Wawakilishi na wafanyakazi wa Ofisi ya Baraza. Matokeo yanayotarajiwa ni kuongezeka kwa ufanisi katika kutekeleza majukumu ya Ofisi kwa ufanisi. Programu hii itatekeleza lengo la tatu katika klasta ya tatu ya MKUZA II la kuimarisha utawala wa sheria wenye kuheshimu haki za binaadamu na upatikanaji wa haki za sheria. Huduma zinazotolewa ni kuwapatia Wajumbe na wafanyakazi wa Baraza huduma na stahiki zao, kuimarisha uwezo wa Wajumbe na watendaji na kuimarisha mazingira ya kazi ya Ofisi ya Baraza.

Tume ya Uchaguzi ya Zanzibar:

67.0      Mheshimiwa Spika, Tume ya Uchaguzi ina Program mbili (2) na Programu ndogo tatu (3)

Programu ya Kwanza (C031): Uendeshaji wa Shughuli za Uchaguzi.

68.0       Mheshimiwa Spika, lengo la Programu hii ni kukuza demokrasia na umoja wa kitaifa. Matokeo yanayotarajiwa ni kuwa na Uchaguzi huru na wa haki na wenye kufuata misingi ya kisheria. Programu hii itatekeleza lengo la tatu katika klasta ya tatu ya MKUZA II la kuimarisha utawala wa sheria wenye kuheshimu haki za binaadamu na upatikanaji wa haki za sheria. Huduma zinazotolewa ni kufanya Uchaguzi Mkuu, Chaguzi ndogo na Kura ya maoni, Kufanya Uchambuzi wa Idadi, Majina na Mipaka ya Majimbo ya Uchaguzi, Kuratibu na kutoa Elimu ya Wapiga Kura na Uandikishaji wa Wapiga Kura na Uendelezaji wa Daftari la Kudumu la Wapiga Kura.

Programu ya Pili (C032): Usimamizi wa Kazi za Utawala na Uendeshaji wa Shughuli za Tume ya Uchaguzi ya Zanzibar.

69.0    Mheshimiwa Spika, lengo la Programu hii ni kuimarisha Usimamizi wa mwenendo wa Shughuli za Uchaguzi. Matokeo yanayotarajiwa ni uendeshaji bora wa kazi za Ofisi ya Tume ya Uchaguzi ya Zanzibar. Programu hii itatekeleza lengo la tatu katika klasta ya tatu ya MKUZA II la kuimarisha utawala wa sheria wenye kuheshimu haki za binaadamu na upatikanaji wa haki za sheria. Programu hii ina Programu ndogo mbili (2) zifuatazo;

i. Programu ndogo (C0321): Usimamizi wa kazi za Utawala na Uendeshaji wa Ofisi ya Tume ya Uchaguzi ya Zanzibar.

70.0      Mheshimiwa Spika, lengo la Programu hii ndogo ni kuimarisha Usimamizi wa mwenendo wa Shughuli za Uchaguzi. Matokeo yanayotarajiwa ni uendeshaji bora wa Ofisi ya Tume ya Uchaguzi ya Zanzibar. Huduma zinazotolewa na program hii ndogo ni kuimarisha mazingira bora ya kufanyia kazi, kuimarisha maslahi ya wafanya kazi na kuwajengea uwezo wafanyakazi wa Tume ya Uchaguzi ya Zanzibar.
ii. Programu ndogo (C0322): Usimamizi wa kazi za Utawala na Uendeshaji wa Ofisi Ndogo ya Tume ya Uchaguzi Pemba.

71.0       Mheshimiwa Spika, lengo la Programu hii ndogo ni kuimarisha Usimamizi wa mwenendo wa Shughuli za Uchaguzi. Matokeo yanayotarajiwa ni uendeshaji bora wa Ofisi ya Tume ya Uchaguzi ya Zanzibar. Huduma zinazotolewa na program hii ndogo ni kuimarisha mazingira bora ya kufanyia kazi ya Tume ya Uchaguzi Pemba. Kwa muhtasari wa Programu na Programu ndogo za Ofisi ya Makamu wa Pili wa Rais na Taasisi zake Angalia Kiambatisho Nam. 4

MGAO WA FEDHA KWA PROGRAMU:

72.0        Mheshimiwa Spika, mgao wa fedha kwa Programu za Ofisi ya Makamu wa Pili wa Rais na Taasisi zake ni kama ifuatavyo:-

     Programu: Uratibu wa Shughuli za Makamu wa Pili wa Rais. Programu hii inatekelezwa na Ofisi ya Faragha ya Mheshimiwa Makamu wa Pili wa Rais. Jumla ya Shilingi 625,569,000 zimepangwa kwa ajili ya kufanikisha programu.

     Programu: Uratibu wa Shughuli za Serikali: Programu hii inajumuisha Idara ya Kukabiliana na Maafa, Idara ya Sherehe na Maadhimisho ya Kitaifa, Idara ya Uratibu wa Shughuli za Serikali na Idara ya Uratibu wa Shughuli za SMZ Dar es Salaam. Jumla ya Shilingi 2,239,727,000 zimepangwa kwa ajili ya kufanikisha program hii.

     Programu: Usimamizi wa Shughuli za Upigaji Chapa: Programu hii inatekelezwa na Idara ya Upigaji Chapa na Mpiga Chapa Mkuu wa Serikali. Jumla ya Shilingi 714,050,000 zimepangwa kwa ajili ya kufanikisha program hii.

     Programu: Mipango na Utawala. Programu hii inajumuisha Idara ya Uendeshaji na Utumishi, Idara ya Mipango, Sera na Utafiti na Ofisi Kuu Pemba. Jumla ya Shilingi 1,587,354,000 zimepangwa kwa ajili ya kufanikisha program hii.

73.0 Mheshimiwa Spika, kwa upande wa Baraza la Wawakilishi, mgao wa fedha kwa Programu ni kama ifuatavyo:-

     Programu: Kutunga Sheria, kupitisha bajeti na kusimamia Taasisi za Serikali. Makisio ya fedha kwa program hii ni Shilingi 6,539,295,000 zimepangwa kwa ajili ya kufanikisha program hii.

     Programu: Uongozi na Utawala wa Baraza la Wawakilishi. Programu hii inajumuisha kazi za utawala kwa Baraza la Wawakilishi Unguja na Pemba. Jumla ya Shilingi 10,223,305,000 zimepangwa kwa ajili ya kutekeleza program hii. Angalia Kiambatisho Nam. 5

74.0    Mheshimiwa Spika, kwa upande wa Tume ya Uchaguzi ya Zanzibar, mgao wa fedha kwa Programu ni kama ifuatavyo:-

     Programu: Uendeshaji wa Shughuli za Uchaguzi. Makisio ya fedha kwa program hii yanaainishwa katika Mfuko Mkuu wa Serikali.

     Programu: Usimamizi wa Kazi za Utawala na Uendeshaji. Programu hii inajumuisha kazi za utawala kwa Tume ya Uchaguzi Unguja na Pemba. Jumla ya Shilingi 1,404,000,000 zimepangwa kwa ajili ya kutekeleza programu hii.

75.0      Mheshimiwa Spika, jumla ya gharama kwa Programu zote za Ofisi ya Makamu wa Pili wa Rais, Baraza la Wawakilishi na Tume za Uchaguzi Zanzibar ni Shilingi 23,333,300,000.

UKUSANYAJI MAPATO:

76.0       Mheshimiwa Spika, kwa upande wa mapato kwa mwaka wa fedha 2015/2016, Ofisi ya Makamu wa Pili wa Rais imepanga kukusanya mapato ya jumla ya Sh. 612,360,000 kwa mchanganuo ufuatao:-

Idara ya Upigaji Chapa na                                  
Mpiga Chapa Mkuu wa Serikali               Sh. 600,000,000
Idara ya Sherehe na Maadhimisho ya
Kitaifa                                                Sh.  12,360,000
Jumla                                                      Sh. 612,360,00

HITIMISHO:

77.0 Mheshimiwa Spika, napenda kuchukua fursa hii kumshukuru kwa dhati Mheshimiwa Mohamed Aboud Mohamed, Waziri wa Nchi Ofisi ya Makamu wa Pili wa Rais kwa kunisaidia kutekeleza majukumu yangu kwa ufanisi mkubwa. Aidha, nawashukuru kwa dhati watendaji na wafanyakazi wote wa Ofisi ya Makamu wa Pili wa Rais na Taasisi zilizo chini ya Ofisi hii wakiongozwa na Katibu Mkuu Dkt. Khalid Salum Mohamed na Naibu Katibu Mkuu Ndugu Ahmad Kassim Haji kwa juhudi zao katika kutekeleza majukumu yao.

78.0     Mheshimiwa Spika, natoa shukrani zangu za dhati kwa Wajumbe wa Baraza la Wawakilishi, na shukrani maalumu kwa Mwenyekiti na Wajumbe wa Kamati ya Kudumu ya Kusimamia Ofisi za Viongozi Wakuu wa Kitaifa kwa mashirikiano, ushauri na maelekezo waliyotupa  katika kipindi chote cha miaka mitano iliyopita ambayo yalitusaidia sana katika kufanikisha majukumu yetu.

Aidha, napenda kuwashukuru sana Washirika wetu wa Maendeleo wote (Development Patners) na nchi marafiki ambazo zinaendelea kuchangia katika kufanikisha utekelezaji wa malengo ya Ofisi yangu na ya nchi kwa jumla katika mwaka wa fedha 2014/2015. Miongoni mwao ni: Benki ya Dunia, Clinton Foundation, China, FAO, Finland, Norway, India, Japan, Marekani, Mfuko wa Dunia wa Kupambana na Kifua Kikuu Malaria na UKIMWI (Global Fund), Oman, UNAIDS, USAID, UNDP, UNICEF, UNFPA, WHO, WFP na WIPO.

Vile vile, naishukuru sana Ofisi ya Makamu wa Rais wa Jamhuri ya Tanzania na Ofisi ya Waziri Mkuu kwa ushirikiano wao mkubwa na Ofisi yangu. Pia, nazishukuru Taasisi zisizo za Kiserikali, Jumuiya ya Wafanya biashara, Wenye viwanda na Wakulima kwa kuendelea kuisaidia Serikali katika kutoa huduma za jamii na kuleta maendeleo katika nchi yetu. Pia nawashukuru sana wananchi wote ambao wamefuatilia na kusikiliza hotuba yangu hii.


79.0     Mheshimiwa Spika, baada ya maelezo hayo, sasa naliomba Baraza lako Tukufu liidhinishe jumla ya 23,333,300,000 kwa Ofisi ya Makamu wa Pili wa Rais na Taasisi zake (Tume ya Uchaguzi na Bazara la Wawakilishi).  Kwa ajili ya kutekeleza Programu mbali mbali nilizozielezea hapo juu. Mchanganuo halisi wa fedha hizo ni kama ifuatavyo:

     i.        Ofisi ya Makamu wa Pili wa Rais  Shs:     5,166,700,000
   ii.        Tume ya Uchaguzi ya Zanzibar    Shs:    1,404,000,000
 iii.        Ofisi ya Baraza la Wawakilishi      Shs:   16,762,600,000
Jumla:                                   Shs:        23,333,300,000

80.0    Mheshimiwa Spika, naomba kutoa hoja.

No comments:

Post a Comment

ZanziNews Copyright © 2014

Theme images by Bim. Powered by Blogger.