Habari za Punde

Zantel yanogesha tamasha la ‘Full Moon Party’ visiwani Zanzibar

Zantel yanogesha tamasha la ‘Full Moon Party’ visiwani Zanzibar
Kampuni ya simu inayoongoza visiwani Zanzibar,Zantel,mwishoni mwa wikii hii imefanikiwa kulinogesha tamasha la ‘Full Moon Party’ linalofanyika kila mwezi visiwani Zanzibar na kufanikiwa kuvuta mamia ya mashabiki.
Tamasha hilo maarufu linalojumuisha burudani ya muziki na sarakasi, lilifanyika katika ufukwe wa Kendwa Rocks mkoa wa Kaskizini Unguja likijumuisha burudani kutoka kwa wasanii mbalimbali.
Kikundi cha Sarakasi cha Zanzibar ndicho kilichoanza kutoa burudani kikifuatiwa na bendi ya FM Academia kutoka Dar es Salaam, wakiongozwa na Nyoshi El Saadat, ambao waliacha gumzo kwa burudani kali waliyoitoa.
Akizungumzia kuhusiana na tamasha hilo Mkurugenzi Mtendaji wa Zantel, bwana Benoit Janin alisema lengo la Zantel kudhamini tamasha hilo ni kukuza utalii wa ndani hapa nchini.
‘Tamasha hili linalenga kufungua milango ya utalii nchini kwa kuonyesha vivutio vya kiburudani tulivyonavyo, na hivyo kuiongezea mapato nchi yetu’ alisema bwana Janin.
Katika kunogesha zaidi tamasha hilo Zantel ilimualika mtangazaji wa kipindi cha 5 Select cha East Africa TV, Tbway kuwa mshereheshaji shughuli hiyo.




3 comments:

  1. Tamasha la muziki Ramadhan hii, subhanah llaah, Zantel kwa hili tumewashtukia sasa mnakwenda against na maadili ya kiislam na kizanzibari, tunakwambieni tutahama Zantel na kuhamia mitandao mengine.

    ReplyDelete
  2. Hii sio SubhanaALLAH bali ni Innalillahi wainna Ilayhi Raajiuun!! Kwani hiyo party ya full moon inafanyika katika siku ambazo ni sunna kufunga yaani mwenzi 13 14 15 katika kila mwezi!! Zanzibar imebakia jina tu! Halafu tunasema maisha magumu! Kwa mambo kama haya unafikiri itakuwje? Allaha atuhifadhi!! 1

    ReplyDelete
  3. Hao Wapo kibiashara zaidi, ndugu yangu, na Zanzibar sio nchi ya kiislam,angalia mitaani, dhuluma na ufisadi n.k (Zanzibar wakaazi wake wengi ni waislam, hilo halina ubishi ila sio nchi yenye kufata sheria za kiislam).Laiti huyo Ali kilupi Angekuwa anatoka mrima, au bara basi angesemwa sana ila ni mzenji nae ��

    ReplyDelete

ZanziNews Copyright © 2014

Template images by Bim. Powered by Blogger.