Na
Madina Issa
JUMA
Salum Karavani (28) mkaazi wa Mombasa Wilaya ya Magharibi Unguja pamoja na
Shaibu Haroub Alawi (25) wamepandishwa katika kizimba cha mahakama ya Wilaya ya
Mwanakwerekwe kwa kosa la kuzidisha abiria.
Ilidaiwa
mahakamani hapo na mwendesha mashitaka wa serikali Said Mohamed mbele ya hakimu
Sabra Mohamed kuwa mnamo Septemba 19 mwaka huu huko Mombasa Wilaya ya Magharib
Unguja wakiwa dereva na utingo wa gari namba 825 ruti 512 wakitokea upande wa
Mombasa kuelekea Kisauni walipatikana
wakiwa wamechukua abiria 23 badala ya 20 kwa mujibu wa uwezo wa gari lao, hivyo kusababisha abiria watatu kuzidi kitendo
ambacho ni kosa kisheria.
Kosa
hilo ni kinyume na kifungu cha 120 (1) (2)
sheria namba 7 ya mwaka 2003 sheria ya Zanzibar.
Washitakiwa
hao walikubadi kosa hilo
na kuiomba mahakama iwapunguzie adhabu .
Mwendesha
mashitaka Said aliiambia mahakama hiyo kuwa hawana kumbukumbu yoyote kwa
washtakiwa kuhusika katika mashtaka mengine.
Hakimu
Sabra aliwataka wa watoe faini ya shilingi 25,000 au watumikie kifungo cha wiki
mbili na kuwambia hati ya rufaa ipo wazi kwa aliyekuwa hajaridhika na hukumu
hiyo.
No comments:
Post a Comment