Joseph Ngilisho, Arusha
MSICHANA
mwenye umri wa miaka 20 (jina linahifadhiwa) mkazi wa kijiji cha Nduruma wilaya
ya Arumeru, amemlalamikia askari polisi mmoja, aliyefahamika kwa jina la Said
Rashird wa kituo kikuu cha polisi jijini kwa kumtelekeza baada ya kumzalisha.
Akizungumza kituoni
hapo, aliwaambia wandishi wa habari kwamba, alizaa na askari huyo mtoto wa
kiume aitwaye Nasri Said ambaye sasa ana umri wa miezi nane baada ya kuishi
kama wapenzi na askari huyo katika makazi ya askari jijini hapa.
Msichana huyo
aliendelea kudai mbele ya wandishi wa habari waliokuwa wamekusanyika ofisini
kwa kamanda wa polisi mkoa wa Arusha kufuatilia habari za kipolisi kwamba
alitokea kupendana na askari huyo hatimaye kuishi naye katika nyumba za askari
zilizoko maeneo ya kituo kikuu cha polisi ambapo baada ya miezi kadhaa askari
huyo alimlazimisha kumzalia mtoto bila kufunga naye ndoa.
“Baada ya miezi
kadhaa ya kuishi naye akawa ananilazimisha kumzalia mtoto bila ndoa ambapo
nikimuuliza alikuwa anasema kuwa
ananipenda hakuna shida tutaoana baada ya kuruhusiwa kuoa na mwajiri wake,
kwani kwa sasa hawaruhusiwi kuoa kutokana na cheo chake, hivyo baada ya kuona
kero za kuzaa zinazidi niliamua kubeba mimba ambapo ndipo hapo matatizo
yalipoanzia”, alisema .
Aliongeza: “Baada
ya kubeba mimba na kufikia miezi 8 mwanamme akawa ananinyanyasa na kunipiga
kila siku hadi kutokwa damu puani hali iliyonisababisha kumwambia naenda kwetu.”
“Baadae aliniambia nichukue kila ninachoweza
kuchukua na baada kuchukua alikuja nyumbani kwetu wakati sipo na kuvichukua na
kwenda polisi kuandika maelezo kuwa mimi nimemvunjia nyumba na kumwibia vitu”,
alidai.
Asha ambaye
alikuwa akiangua kilio mbele ya kamanda wa polisi mkoa, alidai kuwa hayupo
tayari kuondoka ofisini hapo hadi apatiwe msaada huku akitishia kumwacha mtoto
huyo ofisini,hali iliyomlazim kamanda huyo kumbembeleza kwa muda mrefu.
Alidai
kwamba hali hiyo imemsababishia usumbufu mkubwa kwani wazazi wake wamechukia
kutokana na askari huyo kuwadharau na kutumia uaskari wake kuwatishia ndugu zake
kuwa atawashtaki hali iliyowafanya ndugu hao kukosa amani.
Alisema kutokana
na wazazi wake na ndugu wengine kumchukia alilazimika kuomba hifadhi kwa mama
yake mdogo.
“Huko nilidhani
nitapata ahueni kutokana na manyanyaso lakini huko nako niliambulia kipigo
kutoka kwa mwanamme huyu na hatimaye kusababisha mama mdogo naye kunifukuza”,
alieleza kwa masikitiko huku akiwa amembeba mtoto wake Nasri ambaye alionekana
kuwa na siha njema na mchangamfu wakati wote.
Alidai baada ya
kufukuzwa nyumbani kwa askari huyo, yeye alikuwa akimfuata siku moja moja
kumtaka kumpatia fedha za matumizi ya mtoto lakini alikuwa anaambulia matusi na
kejeli.
Aidha alidai kuwa
kutokana na mpenzi wake huyo kukataa kutoa fedha za malezi ya mtoto wao,
aliamua kwenda kumshitaki Idara ya Ustawi wa Jamii, ambako alisema walipewa barua
kumpelekea Mkuu wa polisi kituo cha kikuu.
“OCS alimwita
mzazi mwenzangu huyo na kumkabidhi barua ya Ustawi wa Jamii ambapo aliahidi
kutoa matumizi ya mtoto lakini hadi sasa hakuna chochote anachotoa kwa ajili ya
mtoto na zaidi ya hayo mwanzoni mwa Oktoba alikana kumtambua huyu mtoto na hata
mimi mama yake,”alilalamika.
Kutokana na hali
hiyo, aliliomba jeshi la polisi kumsaidia kumsimamia askari huyoili mtoto wake
apate matunzo mazuri kwani ni haki yake.
Mwandishi wa
habari hizi alipowasiliana na Kamanda wa polisi wa mkoa wa Arusha, Liberatus
Sabas, kuhusiana na madai ya msichana huyo, alitoa kauli tata.
Kwanza alisema asingeweza
kuzungumzia suala hilo kwa madai kwamba hayo ni mambo binafsi lakini pia alisema
kwa kuwa malalamiko hayo yanamhusisha askari wake atayafuatilia.
No comments:
Post a Comment